Биринчи катта модул: математикани касбий таълим соҳаларига йўналтириш имкониятлари биринчи катта модул мақсади

1.3. Фаннинг бошқа фанлар билан боғлиқлиги.
Умумтаълим фанларини касбга йўналтириб ўқитиш методикаси фани асосий касбий фанларидан бири ҳисоблананиб, 7 - семестрларда ўқитилади. Дастурни амалга ошириш ўқув режасидаги режалаштирилган “Математика ўқитиш назарияси ва методикаси”, “Математика ўқитиш технологиялари ва лойиҳалаш”, “Математикадан мисол ва масалалар ечиш методикаси” ва бошқа касбий фанлар бўйича олинган назарий ва амалий билимларга таянган ҳорлда амалга оширилади..
1.4. “Математика” туркумига кирувчи фанлари ёрдамида умумтаълим фанларини касбга йўналтириб ўқитиш имкониятлари.

Ҳозирги замон шароитида юқори умумтаълимий тайёргарлик касбий таълимнинг асоси ҳисобланиб, унинг муҳим томонларидан бири, касб-ҳунар коллежлаида “Математика” туркумига кирувчи фанлар бўйича ҳар бир дарсни касбга йўналтирган ҳолда ташкил этиш муҳим ўрин тутиб, бунда амалий мазмундаги масалаларга таяниш мақсадга мувофиқ ҳисобланади. Чунки, ишлаб чиқаришдаги замонавий технологиялар, уларни бошқариш инсоннинг меҳнат фаолиятида жисмоний меҳнатга қараганда ақлий меҳнат асосий ўрин тутмоқда. Бу замонавий kadrдан:

• 
  юқори маданаятли эга бўлишни;
  
• 
  мураккаб физикавий, кимёвий ва бошқа жараёнларни таҳлил қила олиш кўникмаларига;
  
• 
  турли электро техник схемаларни ўқий олиш малака ва кўникмаларига;
  
• 
  технологик жараёнларнинг кечишини таҳлил қила олиш кўникмаларига;
  
• 
  техник ташхиснинг мураккаб масалаларини ўз вақтида еча олиш кўникмаларига;
  
• 
  математик ҳисоблашларни тезкор бажара олиш кўникмалари кабиларга эга бўлиши талаб этилади.
  

Амалий мазмундаги масала – бу ҳар бир ихтисослик бўйича зарур бўладиган ва математика дарсларида шакллантириладиган кўникмаларни ҳосил қилишга хизмат қилувчи масалалардир.
Бундай масалаларни қуйидаги туркумларга ажратиш мумкин:

1. 
   Ҳисоблашга доир масалалар.
   
2. 
   Тенглама, тенгсизлик, уларнинг системаларига доир масалалар.
   
3. 
   Геометрияга доир масалалар.
   
4. 
   Функция ва унинг хоссаларига доир масалалар.
   
5. 
   Кўрсаткичли, логарифмик ва тригонометрик финкцияларга доир масалалар.
   
6. 
   Функция ҳосиласининг татбиқига доир масалалар.
   
7. 
   Аниқ интегрални татбиқига доир масалалар.
   
8. 
   Комбинаторика элементларига доир масалалар.
   
9. 
   Эҳтимоллар назарияси ва математик таҳлилга доир масалалар.
   

Бундай масаларнинг мазмуни ўқувчилар танлаган касбга доир бўлса, уларда касбий фазилатлар шаклланиши билан бир қаторда, уларда мустақил билим олиш ва ишлаш малакалари шаклланади ҳамда у янада ривожланади.