Биоорганик ва биологик кимё кафедраси биологик кимё 2-курс мушак биокимёси Маърузачилар: профессорлар: Р. А. Собирова, О. А. Аброров, Ф. Х. Иноятова, доцент М. А. Атаходжаева

Саркоплазматик оқсиллар

• Саркоплазматик оқсилларга миоген, миоглобин, глобулин Х ва миоальбумин киради.
• Миоген – сувда ва тузли эритмаларда яхши эрийди. У мураккаб комплекс бўлиб, физик-кимёвий хусусиятлари яқин бўлган қатор оқсилларни сақлайди.
• Миоген комплекси оқсиллари билан турли биокаталитик функциялар боғлиқ. Масалан, миоген А фруктоза-1,6-дифосфатни парчаланишини катализловчи альдолаза, баъзи дегидрогеназа ва бошқа гликолиз, тўқима нафас олиш ферментлари хусусиятига эга.

• Глобулин Х – глобулинлар хусусиятига эга бўлган саркоплазматик оқсил фракцияси. Глобулин Х мушак тўқимаси оқсил азотининг 20% ташкил этади. Молекуляр оғирлиги 140000-180000, изоэлектрик нуқтаси рH 5,0га тенг.
• Миоальбумин – эмбрион мушаги ва силлиқ мушакларда кўп миқдорда сақланади. Баъзи хусусиятлари бўйича қон зардоби альбуминига ўхшайди.

• Миоглобин хромопротеидларга киради, молекуляр оғирлиги 16700, битта полипептид занжирдан иборат бўлиб, 153 аминокислота қолдиғини сақлайди.
• Миоглобин полипептид занжири гем атрофида ўралган эгилган, ихчам жойлашган найчага ўхшайди.
• Миоглобиннинг асосий вазифаси мушакларда кислородни ташиш ва захиралаш (кислороднинг 14% миоглобинда сақланади).
• Миоглобинга кислородни боғланиши гемоглобинга нисбатан 5 маротаба юқори.

Мушак экстрактив моддалари

• Скелет мушагида қатор мyҳим азот тутувчи экстрактив моддалар сақланади: аденил нуклеотидлари (АТФ, АДФ, АМФ), аденил қаторига кирмайдиган нуклеотидлар, креатинфосфат, креатин, креатинин, карнозин, ансерин, эркин аминокислоталар ва бошқалар.

• Карнозин ва ансерин мия ва мускулларда топилган.
• Мускулларда уларнинг концентрацияси 100 г тўқимага 100-200 мг атрофида бўлади.
• Карнозин ва ансерин чарчаш натижасида пасайган мушак қисқаришининг амплитудасини оширади.

• Азотсиз моддалардан мушакда қуйидагилар бўлади: гликоген, глюкоза ва гексозафосфат қолдиқлари, сут кислотаси, пируват ва бошқа карбон кислоталар.
• Мушак тўқимасида нейтрал ёғлар ва холестерин, ноорганик тузлар ва микроэлементлар ҳам учрайди.