Bioorganik kimyo

КИМЁ ЛАБОРАТОРИЯЛАРИДА ИШЛАШ ТАРТИБИ
Кимёвий лабораторияда ишлаётган ҳар бир талаба қуйидаги қоидаларга

қатъий риоя қилиши керак:

Лабораторияда ҳар бир талабага алоҳида иш жойи белгиланади. Иш жойида тартиб ва тозаликни сақлаш керак;

Лабораторияда халат кийиб ишланади, у ерда овқатланиш, чекиш ва баланд овозда гаплашиш қатъиян ман этилади;

Ҳар бир лаборатория ишидан олдин, талаба шу ишга тегишли назарий материалларни ўрганиши керак ҳамда йўриқнома билан чуқур танишиши, ноаниқ саволларни ҳал қилгандан сўнг тажрибани бошлаши лозим;

Тажриба учун зарур бўлган кимёвий реактивлар ва асбоб-ускуналар мавжудлиги аниқлангандан кейин тажриба ишини бошлаш керак;

Тажрибанинг боришини диққат билан кузатинг, унинг ҳамма тафсилотларини билиб олинг, натижаларни иш дафтарингизга ёзиб боринг. Лозим бўлса асбобнинг расмини чизинг;

Электр токи, газ, сув ва реактивлар тежамкорлик билан ишлатилиши лозим. Тажрибалар учун жуда кам миқдорда моддалар олинг. Ишлатилмай қолган ёки ортиқча олинган реактивларни қайта идишга солиш мумкин эмас;

Ишлатилгандан сўнг барча реактив ва эритмалар сақланадиган идишларнинг қопқоғини ёпиб қўйинг. Реактивларни идишлари билан китоб ва дафтарларнинг устига қўйиш ман этилади. Барча ўтказилган тажрибалар натижалари лаборатория журналига (дафтарига) ёзилади. Унда айнан шу ишни бажариш учун зарур бўлган назарий маълумотлар, кузатишлар, реакция тенгламалари, ҳисоб-китоблар, саволларга жавоблар, масалалар ечими, анализнинг илмий асосланган натижалари қайд этилади. Журналдаги ёзув тартибли бўлиши ва аниқ ёзилиши керак. Лаборатория журналини тажриба олиб бориш мобайнида тўлдириб бориш лозим. Ҳар қайси иш охирида журнал ўқитувчи томонидан тасдиқланиб борилади.