«Biologiyaning hozirgi zamon muammolari, uni o`qitish uslubiyoti» nomli maxsus kursdan ma’ruza matnlari kafedra qaroriga asosan adu o`quv-uslubiy hay’ati tomonidan (1999 yil 4 sentabr) qo`llanishga tavsiya etilgan

O`ZBEKISTON RESPUBLIKASI OLIY VA O`RTA

MAXSUS TA’LIM VAZIRLIGI

Z.M.BOBUR NOMIDAGI ANDIJON DAVLAT UNIVERSITETI

Zoologiya kafedrasi

BIOLOGIYANING ZAMONOVIY MUAMMOLARI,

UNI O`QITISH USLUBIYOTI

(ma’ruza matnlari)

Andijon – 2009

«Biologiyaning hozirgi zamon muammolari, uni o`qitish uslubiyoti» nomli maxsus kursdan ma’ruza matnlari kafedra qaroriga asosan ADU o`quv-uslubiy hay’ati tomonidan (1999 yil 4 sentabr) qo`llanishga tavsiya etilgan.

Tuzuvchi: Biologiya fanlari nomzodi, dotsent K.Z.Zokirov
Taqrizchi: Biologiya fanlari nomzodi, dotsent I. Badalxo‘jaev

So`z boshi

«Biologiyaning hozirgi zamon muammolari, uni o`qitish uslubiyoti» nomli maxsus kurs biologiya mutaxassisligi 3-bosqich talabalari uchun mo`ljallangan bo`lib, mazkur kursni o`rganish uchun 14 soat ma’ruza o`qish rejalashtirilgan.

Ma’ruza uchun mavzular tanlashda biz bu bosqich talabalarning avval o‘rganib tugallagan biologiya o`qitish metodikasi fanidan zarur bilim va malakalarni egallab olganliklarini hisobga oldik. Shu boisdan ma’ruzalarni ko`proq biologiya o`qitishning zamonaviy muammolariga yo`naltirishni maqsad qilib oldik. Ayniqsa, talabalarga yangi pedogogik texnologiyalar, o`quvchilarni biologiya o`rganishga qiziqishlarini orttirishga xizmat qiluvchi didaktik o`yinlar, seminar mashg`ulotlari, tayanch belgilardan foydalansh kabi masalalar bo`yicha zarur bilim, malakalar olishlari maqsadga muvofiq deb hisobladik.

Ushbu kursdan namunaviy dastur, darsliklar yo`qligi sababli biz ma’ruzalarda biologiyaning qo`lga kiritgan yutuqlari, asosiy muammolari, shuningdek umumta’lim, maxsus o‘rta ta’lim maktablarida biologiya o‘qitishning hozirgi zamon dolzarb masalalariga to`xtalishni lozim topdik.
I- mavzu: Biologiya fanining yutuqlari, zamonaviy ta’limning dolzarb muammolari