Biologiya” kafedrasi odam anatimiyasi fanidan amaliy mashg’ulotlarini bajarish uchun uslubiy ko‘rsatma bilim sohasi

Ponasimon suyak(os sfenoidale)juda murakkab tuzilgan,kalla suyagining asosi o‘rtasida joylashadi.Uning katta va kichik qanotlari uchayotgan ko‘rshapalak shakliga o‘xshagan bo‘lib, suyak tanasiga birlashadi.Uning kalla bo‘shlig`iga qaragan yuqori yuzasining o‘rta qismida –turk egarchasi tubi bo‘lib, unda gipofiz joylashadi.Egarchaning old tomonida do‘mboqcha-ko‘rish nervlar kesishmasi joylashgan egatcha bor.Ponasimon suyakning ikki yonboshida uyqu arteriyasi joylashadigan egatcha bor.Bu suyak tanasi orqali ensa suyagi bilan birlashadi.
Chakka suyagi(os temporale) bir juft bo‘lib, eshituv va muvozanat saqlash a'zolarini saqlab turadi.4 qismdan iborat bo‘lib: palla, nog`ora, piramida, va so‘rg`ichsimon qismlardan iborat.Palla qismi tashqi yuzasi silliq bo‘lib, yonoq suyagi bilan birlashadi.Pastroqda pastki jag` bilan bo‘g`im tuzadigan chuqurcha bo‘ladi.Nog`ora qismi tashqi eshituv yo‘lining oldingi pastki orqa tomonidan chegaralab turadi.Toshsimon qismi(piramida) eshituv va muvozanatni saqlash a'zolarijoylashgan.So‘rg`ichsimon qismi tashqi eshituv yo‘li orqasida turadi.
Tepa suyagi(os parietale)1 juft bo‘lib, kalla qopqog`ining o‘rta qismini tashkil etadi.Bosh miyani mexanik ta'sirlardan saqlaydi.4 qirrali, 4burchakli, sirti gumbazsimon bo‘rtib chiqqan. Olddan peshona suyagiga, orqadan chakka suyagi bilan tishlashib birikadi.
Peshona suyagi(os frontale)kalla qopqog`ining old qisimda bo‘lib, sezgi a'zolari bilan uzviy bog`liq.Gorizontal bo‘lagi1 juft ko‘z kosasi va burun bo‘lagidan tashkil topgan.Tashqari va ichkari yuzasi farqlanadi.Lateral tomonida yonoq suyagi bilan birlashadigan o‘siq bor.
G`alvir suyak(os etxmoidale)-burun bo‘shlig`ining peshona suyagi o‘ymasida joylashgan.U kalla suyagi tubini xosil qilishda qainashadi.G`alvirsimon suyakda ko‘plab teshikchalar bo‘lib, ulardan burun bo‘shlig`igi xidlash nervi tolalari o‘tadi.Plastinkaning qoq o‘rtasida tojga o‘xshash o‘siq bo‘ladi.
Ishni bajarish tartibi.
1. Bosh skeleti va uning qismlari aks ettirilgan barcha ko‘rgazmali qurollar bilan tanishib chiqing.
2. Boshning miya qismi suyaklarini alohida o‘rganib, ular o‘rtasidagi birikishga e'tibor bering.
3. Bosh skeletiga kiruvchi barcha suyaklarning ilmiy nomini yoddan ayting.
4. Bosh skeleti suyaklarini alohida va bir-biri bilan birikkan holda rasm daftariga chizing.