Biologiya” kafedrasi odam anatimiyasi fanidan amaliy mashg’ulotlarini bajarish uchun uslubiy ko‘rsatma bilim sohasi

Nazorat savollari:
1.Bosh skeleti qaysi qismlarga bo‘linadi?
2.Miya bo‘limi qaysi suyaklardan iborat?
3.Ensa suyagi qanday tuzilgan?
4.Tepa suyagining tuzilishini ayting.
5.Peshona suyagining tuzilishini izoxlab bering.
6.Chakka suyagi qanday tuzilgan?
7.Ponasimon suyak qaerda joylashgan?


4- Amaliy mashg’ulot.
Mavzu: Kallaning yuz bo‘limi suyaklari.
Dars maqsadi: Talabalarga bosh skletining yuz bo‘limi tarkibiga kiruvchi suyaklar haqida to‘liq ma’lumot berish.
Identiv o‘quv maqsadi:
1. Bosh skletining yuz qismiga kiruvchi barcha suyaklarni bir-biridan ajrata oladi.
Kerakli jihozlar: Bosh skeletiga doir rasmlar, mulyajlar va relef tablitsalar.
Ishning mazmuni:
Bosh skeleti miya qutisi va yuz qismi suyaklariga bo‘lib o‘rganiladi. Kallaning yuz bo‘limi yuqori va pastki jag`, tanglay, burun, pastki burun chig`anog`i, dimog`,ko‘z yoshi suyagi,yonoq va til osti suyaklaridan tuzilgan bo‘lib, ko‘rish, xid bilish a'zolari joylashgan bo‘shliqlar, burun bo‘shlig`i va og`iz bo‘shlig`i boshlanish qismlari joylashgan.
Yuqorigi jag`(maxilla)-bir juft bo‘lib, ko‘z kosasi, burun va og`iz bo‘shliqlarini xosil qilishda ishtirok etadi.Yuqorigi jag`ning 4ta o‘sig`i bo‘ladi: xavo saqlanadigan Gaymor kavagi bo‘lib, burun bo‘shlig`iga ochiladi.Yuzga qaragan pastki tomonida tish ildizlaridan paydo bo‘lgan tepachalar bor.Peshona o‘sig`i orqasida ko‘z yoshi suyagi, pastki chig`anoqlar bilan birga burun-ko‘z yoshi kanalini xosil qiladi.Yuqori jag`ning peshona o‘sig`i peshona suyagiga qo‘shiladi.Tishlar turadigan o‘sig`ida 8ta tishning ildizi joylashadigan kataklari bor.
Tanglay suyagi(os palatinum)-bir juft bo‘lib,ko‘z kosasi, burun bo‘shlig`i,og`iz bo‘shlig`i va qanot tanglay bo‘shlig`ining xosil bo‘lishida qatnashadi.Suyakning gorizontal plastinkasi orqa tomondan yuqorigi jag` ning tanglay o‘sig`iga birlashib, qattiq tanglayni xosil qiladi. Orqa tarafdagi chekkasi biroz bukilib, xoanalarning pastki chekkasini xosil qiladi.Uning pastki yuzasida katta tanglay teshigi davom etadi.Vertikal plastinkasi burun bo‘shlig`ining yon devorini xosil qiladi.