Biologiya kafedrasi 5420100-biologiya yo’nalishi 4-kurs talabasi

        DAG`AL  O`TLAR.  Bu  gruppaga  kiruvchi  o`simliklar  chorva  mollarining 

asosiy  em-xashagi  hisoblanadi,  chunki  efemer  va  efemeroidlar  bahordayoq  qurib 

qoladi.  Bir  yillik  sho`ra  o`tlar  esa  faqat  cho`l  poyasidа  tarqalgan.  Ularning  ham 

ko`pchiligi yoz oylarida qurib qoladi. Dag`al o`tlar esa erta ko`klamdan to kuzning 

oxirlarigacha  ko`karib,  urug`laydi.  Chorva  mollari  ularni  ko`kligida  ham, 

qurigandan keyin ham xush ko`rib eydi. Bularni dag`al o`tlar deb atalishiga sabab 

ularning  poyalari,  barglari  dag`al  (ba`zan  tikandan  iborat),  g`adir-budur,  chetlari 

tishchali, uchi o`tkir bo`ladi. Dag`al o`tlarni mollar faqat yozda emas, qishda ham 

xush  ko`rib  yeydi.  Dag`al  o`tlar  odatda  mayin-dag`al  va  o`ta-dag`al  o`tlarga 

bo`linadi.  Mayin-dag`al  o`tlarga  urg`ochiselin,  chalov,  yirikselin,  qirqasoch, 

qamish  va  o`ta-dag`al  o`tlarga  yantoq,  karrak,  qushqo`nmas,  chetin,  suttikan, 

maxsar, ko`ztikan va boshqalarni misol qilib ko`rsatish mumkin. Quyida ularning 

ba`zilari haqida ma`lumotlar beramiz.