Biologik hilma-hillikni saqlash

Sut emizuvchilar. Bularning ko‘p turlari ma’lum tabiiy sharoitlar majmuasiga moslashgan bo‘ladi. Shuning uchun har biri o‘ziga xos ma’lum areal (hududlarda) tarqalish xususiyatiga ega. Bularning xonakilashtirilganlari, yarim yovvoyi va yovvoyi turlari mavjud. Yer yuzidagi ko‘plab yirik hayvonlar shu guruhga mansubdir. Bu guruh hayvonlarning ko‘pchilik turlaridan oziq-ovqat mahsulotlari, sanoat xom ashyosi, dori-darmonlar olish maqsadlarida foydalaniladi.
Sudralib yuruvchilar. Ekotizimlarda o‘ziga xos o‘rinni egallab, ma’lum guruhdagi organik moddalarni parchalashda ishtirok etadilar.
Qushlar. Bu jonivorlarning ko‘pchiligi yuqori harakatchanligi va energiya almashinuvining tezligi bilan biosferada muhim o‘rin tutadilar. Turli hasharotlar va ba’zi kemiruvchi hayvonlar o‘simlik populyatsiyasini tabiiy boshqarishda faol ishtirok etadilar. Mittigina muxolovka-pestruxa 15 kun mobaynida uyasiga 1 kg. ga yaqin hasharotlarni tashib keltiradi. Bitta boyo‘g‘li bir yilda 100 tagacha kemiruvchini yeb 500 kg donni saqlab qoladi. Ko‘plab turlari inson tomonidan turli maqsadlarda foydalaniladi. Ular o‘simliklarning tarqalishida va changlanishida ham sezilarli rol o‘ynaydilar. Qushlarning ko‘plab turlaridan go‘sht, tuxum, pat olishda va dekorativ maqsadlarda foydalaniladi.