Биноларни вертикал силжийдиган қолипларда барпо этиш Маъруза режаси

---

Биноларни вертикал силжийдиган қолипларда барпо этиш 
 
Маъруза режаси 
1.
Биноларни вертикал силжийдиган қолипларда барпо этиш. Кўтарма 
қайта ўрнатиладиган қолип.
 
2.
Сирпанувчи қолип. Блок-формалар. 
3.
Блокли қолиплар. Шахталар учун мулжалланган йирик блокли қолип
 
 
1.Биноларни вертикал силжийдиган қолипларда барпо этиш.Кўтарма 
қайта ўрнатиладиган қолип. 
Бундай қолиплар баландлиги бўйича кўндаланг кесими ўзгармас ва 
ўзгарувчан бўлган махсус иншоотларни, кўпроқ баландлашган сари 
конуссимон йўналишга эга бўлган мўрилар, градирнялар, силос миноралари 
каби иншоотларни барпо этишда қўлланилади. Қолип янги ярус (поғона)га 
ўрнатишда бетондан ажратиладиган ташқи ва ички шчитлардан таркиб топган 
бўлиб, шунингдек, маҳкамлаш элементлари ва тутиб турувчи қурилмалар, 
ишчи тўшама ва кўтариш мосламаларидан иборат. (1-расм). 
Ташқи қолип тўғрибурчакли ва трапециясимон шаклдаги панеллардан 
йиғилган бўлиб, қалинлиги 2 мм бўлган пўлат листдан ва металл каркасга 
ўрнатилган металл бурчакликлар ва қалинлиги 20…22 мм бўлган намбардош 
фанера билан қопланган бўлиб тайёрланади. Тўғрибурчакли панелнинг 
ўлчами 2700×850мм, баландлиги 2700мм, юқориси бўйича эни 818мм, пастки 
қисми бўйича эни 850ммга тенг. Панеллар тортувчи элементлар ва маҳкамлаш 
мосламалари ёрдамида туташтирилади. 
1-расм. Кўтарма-қайта ўрнатиладиган қолип: 
1 – бетонланадиган девор; 2 – қолипнинг ташқи шчитлари; 3 –қолипнинг ички 
шчитлари; 4 – кўтарувчи қурилма; 5 –таянч-кўтарма қурилмасининг шахтаси; 6 – осма 
илмоқ; 7 – иш майдончаси; 8 – таянч тўсинлари; 9, 10 – ташқи ва ички осма сўрилар. 
Ички қолиплар икки ярусли ўлчамлари кичикроқ 1250×550мм ли 
шчитлардан йиғилади. Қолипни кўтариш учун шахта кўтаргичига таянган 
кўтарма бошмоқ (каллак) кўзда тутилган. Қолипни кўтаришда каллак 
кўтаргичдан 2,5м баландликка кўтарилади, шунинг билан навбатдаги ярусни 
барпо этиш иш босқичи тугайди, қолип қайта ўрнатилади, кўтаргичнинг 
қўшимча бўғинлари ўстирилади.

---