Bino va inshootlar qurilishi

Ochiq usulni
mohiyati shundaki birinchi bo‗lib, qamrovdagi er ostidagi barcha ishlar, ya‘ni binoning 
er ostki qismlari barpo etiladi, keyin esa binoning erdan yuqori qismidagi konstruksiyalar, texnologik uskunalar 
quvur o‗tqazish va barcha pardozlash ishlari amalga oshiriladi. Er osti sikli tarkibiga barcha er osti 
konstruksiyalarini qurish ya‘ni – bino va uskunalar poydevori, erto‗la qavatlararo yopmalari bilan, 
kommunikatsiyalarni utqazish va qayta ko‗mish, erto‗lasiz binolarda pol osti to‗shamasini yaratish kiradi. Pol 
osti to‗shamasi bilan er osti siklidagi ishlar to‗gagandan so‗ng, qolgan maydon tekislanishi kerak. 
Birinchi navbatda hamma er ostki sikldagi ishlarni bajarish, bino va inshootlarning erdan yuqoridagi 
qismlarini samarali montaj qilishni ta‘minlaydi va qurilishni industrial uslublarda olib borishning shartlaridan 
biridir. Ammo binoning hajmiy-rejaviy, texnologik echimlariga bog‗liq holda va qurilish sharoitini xisobga 
olganda boshqa usullar ham samarali bo‗lishi mumkin. 
Yopiq usulda
xar bir montaj uchastkasida oldin er ishlari va faqat binoning tagidagi poydevorlar 
o‗rnatiladi, so‗ngra karkas montaj qilinadi. Montaj ishlari tugallangandan keyin bino karkasini ichida kotlovan 
qazilib, texnologik uskunalar, ichiga o‗rnatiladigan konstruksiyalar (etajerkalar) va texnologik uskunalar uchun 
poydevorlar va barcha er osti inshootlari barpo etiladi. Faqat bulardan keyin etajerkalar konstruksiyalari va 
texnologik uskunalar montaji, quvur o‗tqazish ishlari hamda barcha pardozlash ishlari bajariladi..
YOpiq usulni bino texnologik uskunalarining poydevorlari oraliqda ko‗p maydonni egallaganda va 
rivojlangan erosti kommunikatsiyalari xujaligi tarmog‗ini barpo etish zaruriyatida qo‗llash oqilona xisoblanadi.
Bu kranlarni harakatlanishini qiyinlashtirib, qushimcha yo‗l xarajatlarini talab etadi. YOpiq usul ishlarni 
bo‗linishiga , keng manevrga va kam foydalanish xarajatiga ega o‗ziyurar kranlarni qo‗llanilishi bilan minorali 
kran qo‗llaniladigan ochiq usuldan farqlanadi. Bunda ko‗p ishlar tom yopilgandan so‗ng bajariladi, bu 
yog‗ingarchilik ta‘siridan saqlanish uchun muhimdir.