Interoretseptorlar gavdamiz ichidagi organlar – teri, me’da, ichak, jigar, o’pkada bo’ladi. Ovqat hazm qilish, nafas olish, qon aylanish organlari va shunga o’xshash ichki organlardagi jarayonlar (qo’zg’alishlar) vujudga keltiradigan sezgilar shu retseptorlar yordami bilan belgilanadi. Bu sezgilar interoretseptiv sezgilar deb ataladi. Organ sezgilar degan sezgilar shu jumladandir.
Ko’rish sezgilari.
Rang va yorug’likni sezish ko’rish sezgilariga kiradi. Biz sezadigan ranglar xromatik va axromatik ranglarga bo’linadi.
Yorug’lik nurlari uchburchak shisha prizma orqali o’tib, singanda hosil bo’ladigan ranglar xromatik ranglar deb ataladi. Xromatik ranglar kamalak ranglari bo’lib, bunga qizil, zarg’aldoq, sariq, yashil, havo rang, ko’k va binafsha ranglar kiradi. Bu ranglarning turlari nihoyatda xilma–xil bo’lib, juda ko’pdir.
Oq rang bilan qora rang, shuningdek, xilma-xil hamma kulranglar axromatik ranglar deb ataladi.
Do'stlaringiz bilan baham: |