Bilim sohasi

CROCODILE PHYSICS DASTURI

Crocodile Physics dasturi fizikaning mexanika, elektr, optika va to‘lqin hodisalari bo‘limlariga oid virtual laboratoriya ishlarini yaratish va kuzatish imkoniyatini beruvchi konstruktor hisoblanadi. Bu dasturdan maktab, akademik litsey va kasb-hunar kollejlari o‘quvchilari va oliy ta’lim muassasalarining talabalari foydalanishlari mumkin.

Ushbu dastur Crocodile Clips Ltd tomonidan 1994-yildan beri takomillashtirilib kelinmoqda. Dasturdan masala yechishda, virtual laboratoriya ishlarini va namoyish tajribalarini tashkillashtirishda keng foydalansa bo‘ladi. Hozirgi kunda dasturdan 35 tadan ortiq rivojlangan davlat ta’lim muassasalarida keng foydalanib kelinmoqda.