Bilim sohasi: Ta`lim sohasi

4.Diagnostik sinflarda.
Diagnostik guruhlarda ishni bunday tarzda tashkil etish bolalarning holatini aniqlabgina qolmasdan, har bir bola bilan o’tkaziladigan keyingi mashg`ulot uchun tavsiya berishga imkon yaratadi.Agarda komissiyadan so’ng qo’shimcha 1-3 ta bola muhtoj bo’lsa, ular guruh tashkil etish zarur emas. Bunda bolalarni o’rganish uchun yordamchi maktablarning sinflariga joylashtirish maqsadga muvofiqdir. Bu sinfda bolaning bo’lish vaqti u haqida xulosa chiqarish uchun chegaralangan bo’ladi (5-6 kun).Bunday zaruriyat ayniqsa bola avval hech qaerda o’qimaganligida, demak uni o’quv jarayonida kuzatish imkoni bo’lmaganda tug`iladi. Bunday yo’l bilan ommaviy maktablar tekshirishga 3-4 sinf o’qiydigan snflarni komissiyaning ishini ularning o’quv dasturi bo’yicha bilimlarning holatini aniqlash bilan murakkablashtirmasdan taxminiy joylashtirish mumkin. Bolani o’rganishni bunday tarzda tashkil qilinishida barcha ish odatdagi mashg`ulotlar jarayonida o’tkaziladi.
Tekshirilayotgan bolalar ularni maxsus kuzatilayotganini bilmasdan ushubu sinf o’quvchilariga berilayotgan topshiriqlarni bajaradilar, savollarga javob beradilar. Tekshirilayotgan va Aqli zaif o’quvchilarni bergan javoblarini va xulqini taqqoslab, Aqli zaif bolalarning savollarga qanday munosabatda bo’lishini ko’rib o’qituvchi komissiyaning bolani yordamchi maktabga yuborish va qaysi sinfda o’qishi haqidagi dastlabki xulosani tasdiqlaydi yoki inkor etadi. Agarda bola o’zining Aqliy rivojlanishi va maktab bilimlari bo’yicha ushbu sinfga mos kelsa u ta`lim olishni shu erda davom ettiradi. Aksincha holatda bola ommaviy maktabga qaytariladi. CHunki tekshirish to’rtinchi chorakda o’tkazilib, bu vaqtda barcha maktablarda yangi o’quv materialini o’rganish yakunlangan bo’ladi.
Bolani o’rganishning bu yo’li komissiya ishining davomi bo’lib, uni shahar va viloyat yordamchi maktablarida qo’llash mumkin va xech qanday qo’shimcha mablag`lar talab etilmaydi.
Bolani holatini o’quv-tarbiyaviy ish jarayonida uzoq vaqt o’rganish lozim bo’lgan alohida hollarda yordamchi maktablar qoshida 1 yilga diagnostik sinflar tashkil qilish kabi usullardan foydalaniladi.
Bunday sinflar ikki turda bo’ladi:

1. 
   Engil darajadagi Aqli zaiflik bolalarni psixik rivojlanish sustlashgan bolalardan ajratish uchun diagnostik sinflar;
   
2. 
   Engil darajadagi aqli zaif bolalarni og`ir darajadagi aqli zaif bolalardan ajratish uchun diagnostik sinflar.