Bilim sohasi: Ta`lim sohasi

Fanning o’quv rejadagi boshqa fanlar bilan o’zaro bog`liqligi va uslubiy jihatdan uzviy ketma-ketligi

Rivojlanishida nuqsoni bo’lgan bolalar diagnostikasi fani ixtisoslik fani hisoblanib, 6 semestrda o’qitiladi. Dasturni amalga oshirish o’quv rejasida rejalashtirilgan umumiy pedagogika, psixologiya, oligofreniya klinikasi, nevropatologiya, psixopatologiya, oligofrenopsixologiya, oligofrenopedagogika, surdopedagogika, surdopsixologiya kabi qator fanlardan etarli bilim va ko’nikmalarga ega bo’lishlik talab etiladi.

Fanning ta`limdagi o’rni

Rivojlanishida nuqsoni bo’lgan bolani tarbiyalash, o’qitish va ijtimoiy moslashuvining samarali bo’lishi uning imkoniyatlarini va rivojlanish xususiyatlarini to’g`ri baholashga bog`liq bo’ladi. Bu vazifani rivojlanishdagi nuqsonlarni kompleks psixologo-pedagogik tashxis qilish amalga oshiradi. Rivojlanishdagi nuqsonlarni psixologo-pedagogik tashxis qilish bolaning o’ziga xos xususiyatlarini, unga mos bo’lgan ta`lim yo’nalishini, korrektsiyalash, kompensatsiyalash yo’llarini aniqlashga imkon beradi.

Shuning uchun ushbu fan ixtisoslik fani hisoblanib, rivojlanishida nuqsoni bo’lgan bolalarni tarbiyalash, o’qitish tizimining ajralmas bo’g`inidir.


Fanni o’qitishda zamonaviy axborot
va pedagogik texnologiyalar
Ushbu fanni o’rganishda talabalar o’qitishning ilg`or va zamonaviy usullaridan foydalanish, yangi informatsion-pedagogik texnologiyalarni tadbiq qilish muhim ahamiyatga egadir.
Mazkur fani o’qitish jarayonida ta`limning zamonaviy metodlari, pedagogik va axborot-texnologiyalari qo’llanilishi nazarda tutilgan.
-maxsus pedagogika yo’nalishlari boyicha ma`ruzalar darslarida zamonaviy kompyuter texnologiyalari yordamida prezentatsion va elektoron texnologiyalar;
- rivojlanishida nuqsoni mavjud bolalar ta`lim-tarbiya jarayonini tashkil etish, shakllari, usullari, tamoyillari boyicha mavzularda o’tkaziladigan amaliy mashg`ulotlarda «Aqliy hujum», «BBB» kabi pedagogik texnologiyalardan;
- rivojlanishida nuqsoni mavjud bolalar maxsus korrektsion mashg`ulotlar tashkil etish usullarini aniqlash, tahlil etish boyicha amaliy mashg`ulotlarda kichik guruh munosabatlari, «PMK», «FSMU», «Elkan», «3 bosqichli intervyu», «Gamburger» texnologiyalarini qo’llash nazarda tutiladi.