Bilim sohasi: 100000 Gumanitar Ta'lim sohasi: 110000 Pedagogika Ta'lim yo’nalishi: 5111800–Maktabgacha ta’lim Andijon – 2019

Fan bo‘yicha talabalar bilimiga, ko‘nikma va malakasiga qo‘yiladigan talablar.
«Elementar matematika tasavvurlarni shakllantirish metodikasi»fanini o‘rganish jarayonida elementar matematik tasavvurlarni shakllantirishning nazariy va didaktik asoslari; ko‘plik, son, hisob, kattalik, fazo, geometrik shakl va figuralar haqidagi tasavvurlarni shakllantirish metodikasi; arifmetik misollarni yechish; boshlang‘ich maktabda matematika fanini o‘rganishga tayyorlash; oilada va maktabgacha tarbiya muassasalarida olib boriladigan metodik ishlarni rejalashtirish; elementar matematik tasavvurlarni shakllantirish metodikasini o‘qitishning tashkiliy shakllarini bilishi kerak.
Maktabgacha yoshdagi bolalarda matematik tasavurlarni shakllantirishda ta’limning asosiy didaktik prinsiplarini amalga oshirish. Maktabgacha ta’lim muassasining turli yosh guruhlarida matematika mashg‘ulotlarini o‘tkazish metodikasi va tashkil qilish xususiyatlari. Matematika mashg‘ulotlarini o‘tkazishga qo‘yiladigan metodik talablar: mashg‘ulotlarning davomiyligi, ularning davriyligi, mashg‘ulotlarn o‘tkazishda didaktik materiallar va metodik usullarni almashtirish, tushuntirish, namuna, namoyish qilishlarning roli qunikmasiga ega bo‘lishlari.
Dastur materialini o‘rganishning turli bosqichlarida o‘yin usullarining tutgan o‘rni. Matematik bilimlarni o‘zlashtirishda amallar va mashqlarning ahamiyati. Mashg‘ulotda tarbiyachining faoliyatiga qo‘yiladigan talablarni bilishi kerak.

Fanning o‘quv rejadagi boshqa fanlar bilan o‘zaro bog‘liqligi va uslubiy jihatdan ketma-ketligi

«Elementar matematik tasavvurlarni shakllantirish metodikasi» fani mutaxasislik fanlar qatoriga kirib, 3-4 semestrda o‘qitiladi. Dasturni amalga oshirish o‘quv rejasida rejalashtirilgan umumkasbiy (maktabgacha pedagogika, nutq o‘stirish metodikasi, bolalarni tabiat bilan tanishtirish metodikasi, estetik tarbiya) va ixtisoslik (bolalarni maktabga tayyorlash metodikasi) fanlaridan yetarli bilim va ko‘nikmalarga ega bo‘lishlikni talab etiladi.