Билим соҳаси – Социал таъминот ва соғлиқни сақлаш 500000

Ликворни ўзгариши
. Босими ошган айниқса серозли менингитда 
(йирингли менингитга нисбатан) босим ошган бўлади. Суюқлик минутига 40 
ва ундан кўп томчида оқади (меъёрда минутига 20-40 томчи оқиб бу 
меъёрдаги ликвор босимига тўғри келади). Чақалоқ болада ликвор босими 80 
мм сув устунига тенг бўлиб, катта ёшли болаларда: ётган ҳолда 100-150 мм 
сув устунига, ўтирганда 150-250 мм сув устунига тенг бўлади. 
Тиниқлиги. Йирингли менингитда лойқа, туберкулёз менингитида 
оқ-сарғиш, сероз менингитда тиниқ (меъёрда янги туғилган болани 14 
кунлигигача ксантохромия, тиниқ, катта ёшда рангсиз, тиниқ), цитоз. 
Плеицитоз (ҳужайралар сонини кўпайиши) нейтрофиллик - йирингли 
менингитда кузатилади (меъёрда саноқли нейтрофиллар ликворда чақалоқни 
14 кунлигигача кузатилиши мумкин). Лимфоцитли серозли менингитда 
кузатилади (меъёрда болада 3 ойликкача 3/3 дан 25/3 гача, 3-6 ойликда 3/3 - 
20/3, 6 ойликдан катталарда 3/3 - 10/3 гача кузатилади). 
Оқсил. Кўпайган (0,4 - 1 г/л гача) меъёрда 3 ойликкача 0,2-0,5 г/л, 4-6 
ойликда 0,18-0,36 г/л, 6 ойликдан катталарда 0,16-0,24 г/л бўлади. Панди 
синамаси - ўта ижобий (меъёрда 3 ойликка бўлган болаларда (+/-), 4 
ойликдан катталарда манфий бўлади). Ликвор босими ортган бўлсаю, аммо 

---

197 
ҳужайралар таркиби ва оқсил миқдорини ўзгармай қолиши менингизмда 
кузатилади. Менингизмда юқорида келтирилган менингиал симптомлар 
кузатилиши мумкин. 
Энцефалитик синдром. 
Этиологияси: Бактериал инфекция ёки вируслар. 
шикояти: Тана ҳароратининг кўтарилишига, кўнгил айниб, қусишга, бош 
оғриғига, бош айланишига, бўғимларда оғриққа, тиришиш ва уйқуни 
бузилишига (уйқу босиш ёки уйқусизликка). 
объектив текшириш Бемор аҳволи оғир, эс- ҳуши сомнолент, сопор, кома 
ҳолатларида. Бемор кўпинча қўзғалувчан ҳолатида, эпилептик хуружлар, 
мушакларни силтаниб учиб туриши, рефлексларни сўниб бориши (сўриш, 
ютиш, корнеал ва бошқалар) кузатилади. Кўрсатиб ўтилган умум миянинг 
жароҳатланиш симптомларидан ташқари, мияни маълум бир зонасини 
жароҳатланишидан ўзига хос белгилар пайдо бўлади.