Билим соҳаси – Социал таъминот ва соғлиқни сақлаш 500000

Олинган маълумотларни ёзиш
.
Барча маълумотларни тўлиқ эслаб 
қолиш қийин, шунинг учун қисқа ёзувлар билан белгилаб боринг. Кўпчилиқ 

---

399 
беморлар маълумотларни ёзиб боришга бемалол қарайдилар, аммо баъзи 
бирларида ишонч йўқолиши мумкин. Бундай ҳолларда уларнинг 
безовталаниш сабабини аниқланг ва маълумотларни аниқ кўрсатиш 
мақсадида ёзиб бораётганингизни тушунтиринг. Вақт ўтиши билан 
маълумотларнинг кўпчилигини (анамнез, беморнинг аҳволи, оила анамнези, 
аъзо ва тизимлар ҳақидаги маълумотлар) бемор билан суҳбат вақтидаёқ 
охирги кўринишда ёза оладиган бўласиз. Ёзувга овора бўлиб, эътиборингиз 
бемордан чалғимаслигига ва унинг суҳбатдаги ташаббусини йўқотиб 
қўймасликка ҳаракат қилиш керак. Касалликнинг хусусиятлари, руҳий-
ижтимоий анамнез ва касаллик тарихининг бошқа қийин бўлимларини 
аниқлаётганингизда, ҳамма маълумотни бирданига охирги кўринишда 
ёзишга ҳаракат қилманг. Фақатгина қисқа ибора, алоҳида сўз, саналардан 
фойдаланинг. Суҳбат нозик масалаларга тегишли бўлса, ёзишни тўхтатиш 
маъқул. 
Бемор билан учрашув.
Энди сиз бемор билан учрашишга, суҳбат 
қуришга, диққат-эътиборингизни бемор муаммоларига қаратишга тайёрсиз. 
Қулай бўлса, қўлини сиқиб қўйинг. Беморни исмини айтиб, бемор бола ёки 
ўспирин бўлмаса исми шарифи билан мурожаат қилинг. Нотаниш беморга 
фамилияси билан ёки эркалатувчи сўзлар билан, ҳамда ёши улуғ аёлни 
“бувижон”, бемор боланинг онасига “онаси” деб мурожаат қилиш 
ҳурматсизлик ва беандишалик бўлади. Ўзингизни таништиринг, агар ўқувчи 
бўлсангиз, беморга ўз вазифангизни тушунтириб беринг. 
Бемор учун қулайликлар
. Беморга эътиборли бўлинг. Тиббиёт 
муассасаларида беморнинг устки кийими ва бошқа нарсалари учун алоҳида 
жой ажратилиши лозим. Клиникада бўлганингизда бемор ўзини қандай ҳис 
қилаётганини, сизнинг ташрифингиз унга ҳалал бермадими, деб сўранг. 
Беморнинг ноқулай вазияти, оғриқ борлигига, безовталаниш ёки ҳожатга 
бориш истаги борлиги каби нохуш белгиларига аҳамият беринг. Бемор 
кроватда қулай вазият эгаллагунича, ҳожатга бориб келгунича ёки йўқлаб 
келганлар билан хайрлашгунича бир оз кутиб туришингиз, анамнез йиғишни 

---

400 
осонлаштиради ва қисқа вақтда касаллик тарихини тўлдиришингизга имкон 
бериши мумкин.
Суҳбатни бошлаш
.
Нима учун даволаш муассасига келгани, қандай 
шикоятлари борлиги (агар улар бўлса) ва касалини (баъзида, ҳеч қандай 
касали, шикоятлари бўлмасдан соғлиги ҳақида маслаҳатлашиш ва назорат 
учун кўрикдан ўтишга келган бўлиши мумкин) аниқлаб олинг. Жавоб учун 
тўлиқ эркинлик берувчи умумий саволлардан бошланг: “Нима мақсадда 
келдингиз?” ёки “Қандай қийинчилиқларингиз бор?”. Бемор жавоб бериб 
бўлгандан кейин яна бир бор, керак бўлса, бир неча марта “Яна нима?” деб 
сўранг. Жавобларни олиб бўлгач, суҳбатни давом эттириш учун беморни 
йўналтиринг, шикоятларини гапириб беришини, агар улар кўп бўлса, 
уларнинг биттасини гапириб беришини сўранг: “Бош оғриғингиз ҳақида 
гапириб беринг” ёки “Сизни нима кўпроқ безовта қилади?”. Бемор жавоб 
бергунича унинг фикр юритишини диққат билан кузатинг.