Билим соҳаси – Социал таъминот ва соғлиқни сақлаш 500000

Иккинчи босқич 
– 
ҳамширалик ташхиси 
Ҳамшира бемор ҳолатини бирламчи баҳолаб олиб ва олинган 
маълумотларни ёзиб бўлгач, олинган натижаларни умумлаштиради, тахлил 
қилади ва маълум хулосага келади. Бу хулосалар бемор муаммолари, яъни 
ҳамширалик ташҳислари бўлиб қолади ва улар ҳамширалик парваришининг 
мақсади бўлади. Сиз ҳамширалик ташхисларини ажратиб олишингиз керак: 
ҳозирги, яъни беморнинг бугунги, эртага бўладиган ва стационардаги 
ҳамширалик парвариши олиб бориладиган давр мобайнида мумкин 
бўлганлари.
Потенциал
(яширин, лекин юзага чиқиши мумкин бўлган) – парвариш 
даврида юзага келадиган ёки асосий касаллик сабаб бўлиши мумкин бўлган 
муаммолар.
Ҳамширалик 
ташхислари 
ҳамширалик 
касаллик 
тарихига 
“Ҳамширалик таҳлили ва асбоблар билан текшириш маълумотлари”дан 
кейин ёзиб қўйилади. 
Ундан кейин сиз ҳамширалик жараёни ҳаритаси бўйича ишлашга 
киришасиз. Унда ажратилган устунчаларни (графалар) тўлдирасиз. Беморни 

---

395 
парвариш қилиш режасига ва уни амалга оширишга алоҳида эътибор 
беришингиз керак. 
Учинчи босқич – ҳамширалик парвариши мақсадларини, устиворликни 
аниқлаш, парвариш режасини тузиш 
Режалаштириш
– 
маълум мақсадларни аниқлашда ҳамшира ўзини 
қандай тутиши кераклигини аниқлайдиган, беморга қаратилган ва мақсадга 
эришиш стратегиясини ўрнатиш категорияси. Режалаштириш вақтида 
устиворликлар ажратилади, мақсадлар аниқланади, ҳамширалик парвариши 
режаси шаклланади. 
Устиворликларни аниқлаш
– бемор билан ҳамшира биргаликда 
беморнинг хоҳиши, эҳтиёжлари ва унинг хавфсизлигини инобатга олиб, 
ташхис қўйиш усули. Беморга бир нечта ташхис қўйиладиган бўлса, 
ҳамшира уларнинг ҳаммаси бўйича бараварига ҳамширалик парваришини 
амалга ошира олмайди. Амалга оширишнинг шошилинчлиги бўйича 
ҳамшира ташҳисларни устуворини танлаб олади.
Устиворликлар бирламчи, оралиқ ва иккиламчи қилиб тавсифланади. 
Шошилинч ёрдам кўрсатмаслик натижасида беморларни ўлимга олиб 
келиши мумкин бўлган ҳамширалик ташҳислари, бирламчи устиворликка эга 
бўлади.
Оралиқ устиворлилиқ ҳамширалик ташхислари беморнинг ҳаёти учун 
жуда хавфли ва хавф туғдирмайдиган эҳтиёжларни ўз ичига олади.
Иккиламчи устиворлилиқ ҳамширалик ташхислари: касаллик ва унинг 
қандай тугалланишига таъсир қилмайдиган бемор эҳтиёжлари. 
Беморлар учун мақсадлар икки хил қилиб белгиланади: қисқа 
муддатли (бир хафтадан кам), узоқ муддатли (бир неча хафта, бир неча ой, 
кўпинча даволаш муассасидан чиққанидан кейин). Улар асоратларни олдини 
олиш, реабилитация, соғлиқ ҳақида янги таълимот олишга қаратилган.
Агар узоқ муддатли мақсадлар ажратилмаган бўлса, бемор даволаш 
муассасидан чиққанидан кейин, ҳамширалик парваришини давом эттириш 
режасини тузишга халал беради. 

---

396 
Мақсадларни ажратиб олгач, ҳамшира беморни парвариш қилиш 
режасини, яъни парвариш мақсадига эришиш учун ҳамширанинг махсус 
ҳадди-ҳаракатларни ифодаловчи ёзма қўлланма тузади. Парвариш режаси 
ҳамширалик парваришини ўзаро мувофиқлаштиради, парваришни давом 
эттиришни таъминлайди, парваришни баҳолайдиган натижалар кўрсатгичини 
санаб ўтади.