Билим соҳаси – Социал таъминот ва соғлиқни сақлаш 500000

 
 Эшитиш.
Эшитиш органининг ривожланиши ҳомилаликнинг 4- 
ҳафтасида, миянинг орқа пуфакчаси соҳасида ички кулоқнинг пайдо 
бўлишидан бошланади. Чақалоқларда қулоқ супраси катталарга нисбатан 

---

200 
кенг ва катта бўлади. Қулоқ супрасини тоғайи юмшоқ, тери қавати нозик ва 
юпқа бўлади. 3 ёшгача кулоқ супрасини энг тез ўсиши кузатилади ва умуман 
унинг ўсиши 15- 20 ёшгача давом этади. Ташқи эшитиш йўли суяк қисми 
тараққий этмаганлиги сабабли чақалоқларда асосан тоғайдан иборат, жуда 
қисқа ва тор бўлади. Уни узунлиги ва шакли 10- 12 ёшларда катта 
кишиларникига ўхшатса бўлади. Бола туғилганда эшитиш йўли қуюқ 
ёғсимон модда билан тўла бўлади. Чақалоқларда ноғора парда катта- 
кичиклиги катталарники билан баробар бўлади, аммо горизонтал текисликда 
жойлашган бўлади. Ноғора парда бўшлиғи ҳомилаликда ҳавосиз бўлиб, 
туғилгандан кейин биринчи нафас олиш ва ютиш ҳаракати биланоқ ҳаво 
билан тўлади. Ўрта қулоқ бўшлиғининг катта- кичиклиги ва эшитув суяклари 
катталарникига яқин бўлади. Бўшликни юқори қавати юпқа ва қўшувчи 
туқимадан ташкил топган бўлади. Евстахий найчаси нисбатан кенг ва қисқа 
бўлиб, горизонтал ҳолатда жойлашган бўлади. Чақалоқларда уни узунлиги 
19- 20 мм бўлади. Евстахий найчасининг бундай ҳолати бурун ва ҳалқумдан 
микробларни ўрта кулоққа ўтишини осонлаштиради. 
Чақалоқ бола эшита олади. Етарлик кучга эга бўлган товушни ҳатто 
ҳомилаликнинг охирги ойларида ҳомила қабул қила олиши ҳам исботланган. 
Чақалоқ бола товушга умумий ҳаракат белгилари йиғлаш, юрак уриши, 
нафасни тезлашиши билан жавоб беради. 
Чақалоқ бола товушни фарқлай олади. Кейинчалик товуш 
баландлигини фарқлаш такомиллашиб боради. Чақалоқ болани эшитиш 
қобилияти унинг баланд товушга, қарсакка, шиқилдоқ товушига бўлган 
жавобига қараб текширилади. Бунда товушни эшитган бола кўзларини 
қисади, безовталанади, 7-8 ҳафталик бола бошини товуш келган томонга 
бура олади. Катта ёшдаги болаларни текширилганда уларнинг пичирлаш, 
баланд товуши, камертон товушини эшита олиш қобилиятига қараб 
баҳоланади.