Bilim ministrligi

Pikir bildiriwshiler:

J.Aytmuratov	Berdaq atındaǵı Qaraqalpaq mámleketlik universiteti “Arxeologiya” kafedrası docenti, t.i.k.
G.Tureeva	Berdaq atındaǵı Qaraqalpaq mámleketlik universiteti “Arxeologiya” kafedrası docenti, t.i.k.

Berdaq atındaǵı QMU Tariyx

fakulteti dekanı:

2020 jıl «____ » ________________ ___________ S. Sulaymanov

Berdaq atındaǵı QMU

Ózbekstan hám Qaraqalpaqstan tariyxı

kafedrası baslıǵı:

2020. 
      «____ » ___________________ ______________ S.Saymanov
      

I.Pánniń aktuallıǵı
Ǵárezsizlik jıllarında Ózbekstan Respublikasında basqarıw sisteması, sociyallıq-ekanomikalıq, siyasiy hám ruwxıy tarawlarda úlken ózgerisler ámedge asırıldı. Sonday-aq, bilimlendiriw tarawında da bir qatar reformalar ótkerilip, kámil inlsandı qáliplestiriwge baǵdarlanǵan reformalar dawam ettirilmekte. Búgingi kúnde dúnьyada bolıp atırǵan waqıya hám hádiyseler, hár túrli jat ideyalardan jaslardı qorǵaw ushın tariyxıy sananı, bilimdi qáliplestiriw áhmiyetli orın tutadı. Usı orında aytıp ótiw kerek, Joqarı oqıw orınlarında Ózbekstannıń eń jańa dáwiri tariyxın tereń úyreniw jas qánigelerdiń búgingi dáwir siyasatın, dúnьya júzlik sherikliktegi ornın, ásirese óziniń de usı process qatnasıwshısı ekenligin tuwrı hám tolıq ańlawı jámiyet rawajlanıwında áhmiyetli orın tutadı.

Ózbekstannıń eń jańa tariyxı haqqında sóz etkenimizde, aldı menen 1991-jıldan beri mámleketimiz basıp ótken tariyxıy joldıń mánisi hám áhmiyetin túsiniw kerek. Usı process qalay ótkenligin, mámleketimiz ǵárezsizlikke eriskenge shekem hám ǵárezsizliktiń dáslepki jıllarında qanday mashqalalarǵa dus kelgenligin tusiniwi áhmiyetli.

Bul dástúrde Ózbekstannıń eń jańa tariyxı, yaǵnıy Ózbekstannıń máleketlik ǵárezsizligine erisiw aldında júzege kelgen quramalı jaǵday, respublika ǵárezsizliginiń járiyalanıwı, ǵárezsizlik jılları mámlekette ámelge asırılıp atırǵan sociyallıq-siyasiy, ekanomikalıq, ruwxıy tarawlardaǵı reformalar hám olardıń basqıshların, Ózbekstannıń dúnьya jámiyetshiligine hár tárepleme integraciyasın, xalıq-aralıq múnásebetler, qáwipsizlik, milletler ara tatıwlıq hám diniy bawırıkeńlikti támiynlew, tınıshlıq súyer sırtqı siyasat kibi máselelerdiń ilimiy hám ámeliy áhmiyeti ashıp beriledi.