Bilim ministrligi

Konstituciya (lat. “constitutio” - dúzilis, tártip)-mámlekettiń tiykarǵı nızamı.

Respublika (lat. Res-jumıs, publicus-xalıq, jámátshilik)- mámleket basqarıw usıllarınan biri bolıp, bunda mámleket organları xalıq támánınan saylap qoyıw árqalı qáliplestiriledi. Házirgi waqıtta dúnyada 230 ǵa jaqın mámleket bar bolsa, bulardan yarımı respublika formasında basqarıladı.

Repressiya (lat. Repressio-eziw)- mámleket organları tárepinen qollanılatuǵın qıynawǵa salıw tártibi, jazalaw, quwǵın, quwdalaw, zulım.

Suverenitet (francuzsha “souverainite”-joqarı hákimiyat)-tómendegi mazmunlarda isletiledi:

1. Mámleket suvereniteti-házirgi mámleketshilik páninde mámlekettiń ishki hám sırtqı siyasatındaǵı tolıq ǵárezsizligi sıpatında túsindiriledi.

Ózbekstan Respublikasında mámleket suvereniteti máselesine óz aldına bap ajıratılǵan bolıp, onıń 1-statyasında “Ózbekstán-suveren demokratik respublika” deyilgen.

2.Xalıq suvereniteti-xalıqtıń mámleketti basqarıwdaǵı tolıq húkimranlıǵı, xalıq hákimiyatı, xalıq basqarıwı mánislerin ańlatadı.

Tariyx (arab sózi)-teskeriw, úyreniw, izlew, biliw, maǵluwmat, sáne, waqıt, dáwir, zaman, gúrriń etiw. Belgili hám úyrenilgen waqıyalar haqqında gúrriń.

Turaqlılıq – Waqiya hám hádiyselerdiń ámel qılıwı hám rawajlanıwdaǵı ózine tán belgili jaǵdayı.