Bevosita qo'llaniladigan oddiy didaktik materiallar

1-keys

Topshiriqli keys

1. 
   Quyida berilgan ta’riflar qanday tushunchalar mohiyatini yoritishini toping.
   
2. 
   Ta’riflar va ularning mohiyatini yorituvchi tushunchalar asosida jadivalni shakllantiring.
   

Ta’riflar:
Rasmlar - eng oddiy ko`rgazmali material hisoblanib, uni o`qituvchi mavzuga oid ob`ektning umumiy ko`rinishi, qismlari, shakli, nisbiy o`lchamlarini ko`rsatishda foydalanadi.
Sxemalar- asosan murakkab ob`ektlarning tuzilishi va ishlash prinsipini soddalashtirilgan holda tushuntirish uchun foydalaniladi.
Jadvallar - mavzuga oid bir-biriga bog’liq bir nechta kattaliklarning ma`lum bir tartib asosida joylashtirilgan to`plamlaridir.
Diagrammalar - yordamida bir necha parametrlarning o`zaro nisbatini grafik tasvirlashimiz mumkin.
Misol va masalalar to`plamlari, ma`lumotnomalar, lug’atlar va katologlar - ko`proq amaliy mashg’ulotlar va mustaqil topshiriq bajarganda keng foydalaniladi.
Uslubiy ko`rsatmalar - mashg’ulot davomida yoki mustaqil ravishda topshiriq bajarayotganda o`quvchilar foydalanishiga yaxshi samara beradi.
Axborot byuleten’lari - tarqatma materiallarning bir turi bo`lib, ta`limda ilg’or pedagogik texnologiyalarning qo`llanilishi natijasida ular juda takomillashib ketdi.
Topshiriq kartochkalari - o`quvchilar bilan amaliy mashg’ulot o`tayotganda ularning har biriga yoki kichik guruxchalariga turli topshiriqlar berishga to`g’ri keladi. Bunday vaqtda qo`llaniladigan tarqatma didaktik materiallar topshiriq kartochkalari deyiladi.
Anketalar - odatda guruh o`quvchilaridan ba`zi bir ma`lumotlarni olishga tug’ri kelganda, biz ularga turli savollar bilan murojaat qilishimizga to`g’ri kelganda, qo`llaniladi.
Tabiiy namunalar - tabiatdan olingan, inson ta`sir etmagan narsalar.
Talabalarga tavsiya etiladigan manbalar:
Bevosita qo’llaniladigan oddiy didaktik materiallar tarkibiy qismlariga oid materiallar, internet ma’lumotlari.
Talabalar uchun ko‘rsatmalar:

1. 
   Keys mohiyatini yetarlicha anglab oling.
   
2. 
   Berilgan manbalarga tayangan holda muammoning yechimini topishga xizmat qiluvchi omillarni aniqlang.
   
3. 
   Ana shu omillar asosida echimni asoslashga uring.
   
4. 
   Yechimni bayon eting.
   

Keysni yechish jarayoni:

1. 
   O’quvchilar keys mohiyatini u bilan ikki-uch marta tanishish orqali, sherigi (juftlikda), guruhdoshlari (kichik guruhlarda) yoki jamoadoshlari (jamoada) bilan muhokama qilgan holda etarlicha anglab oladi.
   
2. 
   O’quvchi sherigi (juftlikda), guruhdoshlari (kichik guruhlarda) yoki jamoadoshlari (jamoada) bilan muhokama qilgan holda muammoning echimini topishga xizmat qiluvchi omillarni aniqlaydi.
   
3. 
   O’quvchi (juftlik, kichik guruh, jamoa) aniqlangan omillar orasidan muammoga barchasidan ko’proq dahldor bo’lgan omil (yoki ikkita omil)ni ajratib oladi.
   
4. 
   O’quvchi (juftlik, kichik guruh, jamoa) yechimni ajratib olingan omil (ikkita omil) asosida bayon etiladi.
   
5. 
   Echim individual, kichik guruhlar yoki jamoa ishtirokida muhokama qilinadi.
   

2-keys