Беркинов Б. Б. Институционал иқтисодиёт: Ўқув қўлланма. 3-нашр

Олий мулк
– давлат мулкининг дастлабки шакли ҳисобланади. 
Оппортунистик хатти-ҳаракатлар
– ўз манфаатига эришиш учун 
алдаш, ёлғон, ўғирлик ва бошқа қабиҳликларни амалга ошириш. 
 
«Принципал-агент» муаммоси
– «агент»нинг «принципал» топшириғи 
ва кўрсатмасини бажаришдаги ҳийласи (найранги). Ҳийла ишлатиш (найранг) 
ахборот асимметрияси ва «агент» фаолияти устидан юқори даражадаги 
назоратнинг туфайли мумкин бўлади. 
Расмий қоидалар
– конституциялар, қонунлар, суд қарорлари, маъмурий 
ҳужжатлар. 
Реклама
– имкониятли харидорларга сотувчилар ҳақида маълумотлар 
бериш усули. 
Сармоядор 
– тадбиркорлик ролидан воз кечган капиталист. 

---

233 
Солиқ бўшлиғи
– назарда тутилаётган солиқ тушумларининг суммаси 
билан реал йиғилган даромад ўртасидаги фарқ. 
Табақали мулк
– олдинги даврда асосий меҳнат шароити бўлган табиий 
ресурсларга табақали монополиялар шаклланиши билан тавсифланади, 
мулкдорларнинг ўзларига «бириктирилган» мол-мулкни тасарруф этиш ҳуқуқи 
борган сайин кенгайиши билан изоҳланади.
 
Ташкилий маданият
– ташкилот аъзолари ўртасидаги ўзаро 
муносабатларни тартибга солувчи ва уларнинг жамоавий билимлари ва 
тажрибасининг ифодаси ҳисобланган меъёрлар, қоида ва анъаналар йиғиндиси. 
Ташкилот
- ҳукмронлик муносабатлари, яъни иштирокчиларнинг 
айримлари - «агентлар» томонидан ўз ҳаракатлари устидан назорат ҳуқуқининг 
унинг бошқа иштирокчиси - «принципал»га топширилиши асосида қурилган 
мувофиқлаштириш бирлиги. 
Ташқи таъсирлар (экстерналийлар)
– нархда ўз аксини топмаган 
қўшимча харажатлар ёки фойдалар. Ижобий ташқи таъсирлар бир иқтисодий 
субъект фаолияти бошқа субъектлар учун қўшимча фойдаларнинг пайдо 
бўлишига олиб келган ҳолларда юзага келади, бунда у ишлаб чиқарилаётган 
неъматнинг нархларида ўз аксини топмайди. Салбий ташқи таъсирлар бир 
иқтисодий субъект фаолияти бошқа субъектлар учун қўшимча харажатларни 
келтириб чиқарган ҳолларда юзага келади.