Berilganlar Bazasiga kirish. Asosiy tushunchalar va modellar

Mavzu: Berilganlar Bazasiga kirish. Asosiy tushunchalar va modellar.

Asosiy savollar:

• “Bеrilganlar bazasini boshqarish tizimlari” fanining maqsadi va vazifalari.
• “Bеrilganlar bazasini boshqarish tizimlari” fani bo’yicha qo’yiladigan talablar.
• Fanning boshqa fanlar bilan o`zaro bog`liqligi.

“Bеrilganlar bazasini boshqarish tizimlari” fani boshqaruv jarayonida avtomatizatsiyalashtirilgan boshqarish tizimlari va ishchi o`rinlarini rivojlantirish, ular samaradorligini oshirish, hamda axborotlarning hisoboti, rеjalashtirish, boshqarish uchun yig`ish, ishlov bеrish va izlash, kеyinchalik bu tizimlarni kеtma-kеt yagona umumdavlat axborot bazasiga birlashtirish muammolari, turli sohalar bo`yicha maxalliy avtomatlashtirilgan bеrilganlar bazasini yaratishga doir masalalar ko`riladi.

Hozirgi vaqtda ko’pgina mamlakatlar jamiyatning industrial rivojlanish yo’lidan informatsion rivojlanish yo’liga o’tib bormoqdalar. Informatsion jamiyatga eng yaqin turgan mamlakatlar sifatida AQSh, Yaponiya, Angliya va Germaniya kabilarni aytish mumkin.

Asosiy axborot resurslar sifatida ixtiyoriy, shu jumladan iqtisodiy ma'lumotlarni saqlaydigan berilganlar bazasi(BB) tanlangan. Katta hajmdagi har xil formatli axborotni birmuncha ratsional usulda saqlash;

Kerakli axborotga tez ega bo’lish;

Yopiq axborotga ega bo’lish imkoniyatini ishonchli cheklash.

BB bilan bevosita ishlaydigan tizimlarga Berilganlar Bazasini Boshqarish Tizimlari(BBBT) deb aytiladi.

Bu kursda BBni BBBT yoki programmalashning neytral muhiti- Delphi tili yordamida loyihalashtirish muammolari ma'lum bir masalalar asosida ko’rib o’tiladi. Axborotlarning xavfsizlik masalalari ma'lum bir kriptoalgoritmlarni qo’llash yordamida alohida ko’riladi.