Berdaq nomidagi

Топографик усулда бахтсиз ҳодиса содир бўлган жой аниқланади. Бунинг учун хўжаликнинг (бўлим, участка, цех, фермер хўжалиги ва бошқ.) бош режасида бахтсиз ҳодиса содир бўлган жой шартли белги билан белгиланади. Бунда бахтсиз ҳодисалар тез такрорланадиган жойлар яққол кўзга ташланади, бу эса уларнинг содир бўлиш сабабларини йўқотишга доир шошилинч чоралар кўришга имкон беради.
Монографик усулда аниқ иш жойи, участка, ускуна, машина, механизм ёки технологик жараёнда юзага келган хавфли ёки зарарли ишлаб чиқариш омиллари тахлил қилинади. Бу усулдан фойдаланиб, бахтсиз ҳодиса содир бўлгандаги барча ҳолатларни (иш жойидаги микроиқлим, шовқин, титраш ва бошқ.) чуқур ўрганилади. Шунингдек, усул янгидан лойиҳаланаётган ёки таъмирланаётган корхоналарда меҳнат хавфсизлигига доир чора-тадбирларни ишлаб чиқишда қўлланилиши мумкин.