Berdaq nomidagi

3. Ишлаб чиқаришдаги жароҳатланиш ва касалланишларнинг
сабаблари
Ишлаб чиқаришдаги жароҳатланиш ва касалланишларнинг барча сабабларини шартли равишда қуйидагиларга бирлаштириш мумкин: техник, ташкилий, санитария-гигиеник, психофизиологик, иқтисодий ва ходимнинг айби билан юз берадиган касалликлар.
Техник сабаблар: ускуна ва мосламаларнинг, тўсиқ қурилмаларнинг, тормоз системасининг ишламаслиги ёки носозлиги, гидравлик системасининг зич эмаслиги туфайли келиб чиқади.
Ташкилий сабаблар: иш жойларининг ускуна, мослама ва ёрдамчи асбоблар билан етарли таъминланмаганлиги, юк кўтариш воситалари, боғлаб қўювчи мосламаларнинг йўқлиги, йўриқноманинг ўз вақгида берилмаганлиги ва меҳнат муҳофазаси бўйича ўқитиш ишларининг суст олиб борилганлиги, меҳнат хавфсизлиги бўйича кўрсатмаларнинг йўқлиги, ишчиларнинг ўз вақгида махсус кийимлар билан таъминланмаганлиги, дам олиш ва меҳнат қилиш тартибининг бузилиши туфайли келиб чиқади.
Санитар-гигиеник сабаблар: иш жойидаги ноқулай микроиқлим (ҳарорат, ҳавонинг намлиги ва ҳаракат тезлиги параметрларининг иш шароитларига мувофиқ келмаслиги), ёритилганлик даражасининг СМ ва ҚМҚ талабларига жавоб бермаслиги, иш жойларининг бетартиблиги ва ифлослиги, маиший хоналарнинг (ечиниш, ювиниш-чўмилиш хоналари, ҳожатхона ва бошқалар) йўқлиги натижасида келиб чиқади.