Berdaq nomidagi qoraqalpoq davlat universiteti organik va noorganik kimyo kafedrasi

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI
BERDAQ NOMIDAGI QORAQALPOQ DAVLAT UNIVERSITETI
ORGANIK VA NOORGANIK KIMYO KAFEDRASI
Atadjonova Yulduzoyning
5140500 – kimyo ta’lim yo’nalishi
«NEFT VA TABIIY GAZ ROLI, AHAMIYATI VA HOZIRGI ZAMON TA’LIMOTI»
mavzusidagi
KURS ISHI
Reja:
Kirish
I.Bob. Adabiyotlar sharhi
I.1.Qadimda neftning paydo bo’lishi
I.2.Neft va tabiiy gazni qazib chiqarish
I.3.Neftni qayta ishlashdan olinadigan mahsulotlar haqida
I.4.Neft va gazning inson hayotidagi o’rni
I.5.Neft va gaz hozirgi kunda
II.Bob.Tajribaviy qism
III.Bob.Tajriba natijalari tahlili
Xulosa
Adabiyotlar ro’yxati
KIRISH
O‘zbekiston Respublikasi mustaqil rivojlanish yo‘lidan dadil odimlamoqda. Ushbu yillarda eng qiyin o‘tish bosqich - ma’muriy - buyruqbozlikdan markazlashgan - rejali sistemaga, erkin bozor iqtisodiyoti asoslarini qurish yo‘li bosib o‘tildi. Bugun mamlakatimizda makroiqtisodiy va moliyaviy barqarorlikka erishildi, tarkibiy o‘zgarishlar dasturi amalga oshirilmoqda, ishlab chiqarish modernizatsiya qilinmoqda va texnik qayta qurollantirilmoqda, yangi sohalar yuzaga keltirilayapti, iqtisodiyotni keyingi barqaror va dinamik o‘sishi uchun kerakli poydevor va sharoitlar yaratilmoqda.
Amudaryo va Sirdaryo oralig‘iga joylashgan o‘zbekiston o‘z tabiiy – iqlimiy sharoitlari bo‘yicha Markaziy Osiyoning eng ma’qul regionlaridan biridir. O‘zbekiston o‘ta boy mineral xomashyo resurslariga ham ega. Uning sahnida Mendeleyev jadvalidagi hamma kimyoviy elementlar mavjud. Respublika oltin zaxiralari bo‘yicha jahonda to‘rtinchi o ‘rinni, uni qazib olish bo‘yicha - yettinchi, paxta tolasi ishlab chiqarish bo‘yicha - to‘rtinchi, eksporti bo‘yicha – ikkinchi o’rinlarni, uran va mis zaxiralari bo‘yicha yettinchi va o‘ninchi o‘rinlami egallaydi.
O‘zbekiston rangli va nodir - yer metallari, nefit, gaz, qurilish materiallari, fosforitlar, turli tuzlar, kvars va boshqa foydali qazilmalarni katta zaxiralariga ega bo‘lsada, ularni ratsional va kompleks holda ishlatishga intiladi. Xuddi shu bois xorij kapitalini ishlatib foydali qazilmalarni qazib olishni tashkil qilish va ularni kompleks qayta ishlash - mamlakatimiz rivojining eng zaruriy, birinchi darajali mezonlaridandir.