Berdaq nomidagi qoraqalpoq davlat universiteti kimyoviy texnologiya fakulteti

Kurs ishining maqsadi va vazifalari. Standart (solishtirish) elektrodlar turli zanjirlarning EYUK ni o‘lchaganda potensiali oson qayta takrorlanadigan va muvozanat qiymatiga tezda yetadigan elektrodlardan keng foydalaniladi. Bunday elektrodlar solishtirish yoki standart elektrodlar deyiladi. Ularga quyidagi talablar qo‘yiladi:

–ularning potensiallari o‘zgarmaydigan va vodorod elektrodiga nisbatananiqo‘lchangan bo‘lishi kerak;

–standart elektrodlar potensialining harorat koeffisiyenti kam bo‘lishi kerak;

–ushbu elektrodlarning tayyorlanishi oson va arzon bo‘lishi kerak;

–bunday elektrodlarni ishlatish qulay bo‘lishi zarur.

Odatda, standart vodorod elektrodini kalomel elektrodi bilan almashtiriladi.Kalomel elektrodi ikkinchi tur elektrodlarga mansub bo‘lib, u simobdan iborat.

Standart potensiallar. Nernst tenglamasi Ikkita elektroddan iborat bo‘lgan va elektrodlardan birining potensiali aniqlanishi kerak bo‘lgan, ikkinchi elektrodning potensiali esa nolga teng deb olingan galvanik elementning EYuK si elektrodning standart potensiali hisoblanadi. Potensiali nolga teng deb olingan elektrod sifatida standart sharoitlardagi normal vodorod elektrodi xizmat qiladi. Elektrod potensiallarining absolyut qiymatlari noma’lum. Vodorod elektrodining standart potensiali har qanday haroratlarda nolga teng deb qabul qilingan. Elektrodlarning standart potensiali vodorod elektrodi va aniqlanayotgan elektroddan tuzilgan galvanik elementning EYUK ga teng. Bunday galvanik element ulanganda o‘rganilayotgan elektrodda oksidlanish yoki qaytarilish kuzatilishi mumkin.