Berdaq atindag'i Qaraqalpaq Mamlekettik Universetetinin' "Dene madeniyati" fakulteti

Nawayi o`z do`retiwshiligi menen o`zbek a`debiyatinin` keyingi rawajlaniw jolin belgilep g`ana
qoymastan, Maverennahr ha`m Xorasannin` bu`gingi manawiy ma`deniyatin jetilisiwine ju`da` qatti ta`sir
ko`rsetti. Onin` shig`armalari sheriyatta qayta-qayta ko`shirilip xaliq arasinda ken` tarqalip shayirlar ushin
mektep waziypasin atqardi, medreselerde ken`nen u`yretildi. Oni Berdax babamizda o`zinin` «Izler edim»
degen qosig`inda
Nawayidan sawat ashtim,
Fizuliyden du`rler shashtim dep og`an hu`rmetin ornina qoyip oni ustaz retinde ko`rsetedi.
Ha`zirgi ku`nde Nawayini an`law o`zligimizdi an`law ekenin a`ste aqirin, bir birlep teren` tu`sinip
baratirmiz. Onin` filosofiyaliq pikirlerinde o`zlikti an`law en` da`slep o`zin`di an`law, o`zinin` hasil
na`silinin` kim eknligin an`law, o`zin`nin` nege tayin ekenligin`di an`law ekenligin ko`rsetedi.
Nawayi ha`ziretleri a`tiraptag`ilardin` ruwxiyatsizlig`in ko`rip qayg`i shekti, nadanliqti ko`rip qapa
boldi. Onin` jetik insan haqqindag`i oylarin ha`zirgi waqittag`i ruwxiyatimizdin` g`a`ziynesi, jetiklikti
sinaw mektebi dep bahalasa boladi.
Ol bul ma`selede de so`zsiz danishpan insan edi. Ol «Aytqan ga`pti ayt. Aytpas ga`pten qayt» dep
na`siyatlap is ju`rgiziwge shaqiradi. A`sirese so`ylew, sa`wbetlesiw ma`deniyatina u`lken kewil bo`ldi.
So`z arqali kisinin` qa`dir qimbatin belgilewdin` a`hmiyetin ko`rsetip
«Awzina kelgenin demek nadannin` isi,
Aldina qoyg`anin` jemek haywannin` isi» dep keltirip awzina qarap so`ylewdi ha`m so`ylewde
ma`deniyatli boliwg`a u`ndedi.