Bekiston respublikasi turizm va madaniy meros vazirligi madaniy meros agentligi buxoro viloyati madaniy meros boshqarmasi

Boshqarma boshlig‘i Sh.Maxmudov


Davlat kadastlar palatasi Buxoro viloyati boshqarmasi boshlig‘i A.Asadovga

Buxoro tumani, Shergiron MFY hududida joylashgan “Chor Bakr” majmuasi (tarkibida 33 ta ob’ekt mavjud) XVI-XX asrlar mansub madaniy meros ob’ekti hisoblanib, O‘zbekiston Respublikasi Vazirlar Mahkamasining 2019 yil 4 oktyabrdagi “Moddiy madaniy merosning ko‘chmas mulk ob’ektlari milliy ro‘yxatini tasdiqlash to‘g‘risida”gi 846-sonli qaroriga asosan davlat muhofazasiga olingan.

Buyuk ipak yo‘lining mamlakatimizdan o‘tgan qismini «Ipak yo‘li: Zarafshon daryosi vohasi» nomi ostida YuNESKOning Umumjahon madaniy merosi ro‘yxatiga kiritish bo‘yicha Buxoro viloyatida joylashgan “Poykent”, “Varaxsha” va “Vardonze” arxeologiya ob’ektlari hamda “Chor Bakr” va “Baxouddin Naqshband majmualari”, “Vobkent minorasi” hamda “Chashmai Ayub” arxitektura merosi ob’ektlarini YuNESKOning Umumjaxon merosi ob’ektlari ro‘yxatiga kiritish bo‘yicha mahalliy va xorijiy mutaxassislar ishtirokida, ilg‘or va yuqori texnologik uskunalardan foydalangan holda nomzodlik hujjatlari tayyorlanib, belgilangan tartibda YuNESKO Umumjaxon merosi markaziga taqdim etilgan.
1972 yilda imzolangan Umumjahon madaniy va tabiiy merosni muhofaza qilish to‘g‘risidagi Konvensiya hamda Umumjahon merosi qo‘mitasining tegishli qarori talablariga ko‘ra, nomzodnoma ob’ektlar ro‘yxatiga kiritilgan yodgorliklar ham YuNESKOning Umumjahon merosi ro‘yxatiga kiritilgan ob’ektlar singari muhofazaga olinishi shartligi belgilab qo‘yilgan.
O‘zbekiston Respublikasi Vazirlar Mahkamasining 2019 yil
20-dekabrdagi “Tadbirkorlik va shaharsozlik faoliyatini amalga oshirish uchun bo‘sh turgan er uchastkalarini berish tartib-taomillarini yanada takomillashtirish chora-tadbirlari to‘g‘risida”gi 1023-son qaroriga asosan ob’ektning bufer zonasidan YERELEKTRON” ATTga 6 ta:

• 
  B1706207-88421;
  
• 
  B1706207-88430;
  
• 
  B1706207-88403;
  
• 
  B1706207-88399;
  
• 
  B1706207-87377;
  
• 
  B1706207-87378 unikal raqamli er uchastkalari auksion savdolari orqali sotilgan.
  

Mazkur er uchastkalari Buxoro tumani "Chor Bakr" majmuasi madaniy meros ob’ekti hududidan 16 metr uzoqlikda, ya’ni madaniy meros ob’ekti qo‘riqlanadigan muhofaza tegrasi xududida joylashganligi aniqlandi.
Ushbu er maydonlarini auksion savdolaridan chiqarib olish xususida boshqarmaning 2022 yil 7 yanvardagi 03-M/21-sonli xat orqali
Davlat kadastrlar palatasi Buxoro viloyati boshqarmasiga murojaat etilgan. Biroq, ushbu er maydonlarini auksion savdolaridan chiqarish choralari ko‘rilmagan.
Madaniy meros ob’ekti qo‘riqlanadigan muhofaza tegrasiga oid er uchastkalarini auksion savdolaridan chiqarish choralari ko‘rilmaganligi sababli ushbu er uchastkalarini sotilganlik holati yuzasidan aydor shaxslarni aniqlash va ularga nisbatan jinoiy javobgarlikkacha bo‘lgan choralarni ko‘rish maqsadida vakolatli huquqni muhofaza qiluvchi organlar (prokuratura) hamda Madaniy meros agentligi xodimlaridan iborat ishchi guruhi tomonidan xizmat tekshiruvi ishlarini olib bormoqda.
Yuqoridagilarni inobatga olib, YERELEKTRON” ATT da sotilgan B1706207-88421, B1706207-88430, B1706207-88403, B1706207-88399, B1706207-87377 va B1706207-87378 - unikal raqamli er uchastkalarini davlat ro‘yxatidan o‘tkazmasdan turishingiz so‘raymiz.
Muhofaza tegrasiga oid er uchastkalarini sotish bo‘yicha rasmiylashtirilgan bayonnomalarning bekor qilish tartib-taomillari to‘g‘risida ko‘shimcha ravishda ma’lumot berilishi ma’lum qilinadi.