Bbk 3. (2) A 91 Atanyýazow S

Jetiurru, jetiruu
diýen uruglara başgyrt, gazak we gyrgyz halklarynda-
da duşulýar. Umuman, ýedi urugyň birleşigi gündogar halklarynyň 
köpüsine mahsus bolmaga çemeli. Ynha, G.I. Karpowyň ýazyşyna görä, 
gadymy parfiýalylyrda megistany diýen etnik toparlar ýedi sany abraýly 
uruglardan ybarat eken. Ahemenitlerde-de şeýle etnik toparlar bolupdyr.
ÝEMRELI
Daşhiwuz welaýatynyň Lenin we Ýylanly raýonlarynda ýemreli 
diýen türkmen taýpasy ýaşaýar. Alili, ata, teke we änewli taýpalarynyň, 
şeýle-de Nurata türkmenleriniň düzüminde hem ýemreli diýen tireler 
duş gelýär. Ýemreliler Buhara welaýatynda, Azerbaýjanda, Eýranda we 
Türkiýede-de bar.
Etnonim 
imrili
görnüşinde ilkinji gezek Abylgazynyň “Türkmenleriň 
şejeresi” diýen işinde duş gelip, ol “eýmir ili” diýen sözleriň biri-birleri 
bilen goşulyşyp, kebşirlenip giden görnüşidir: 
eýmir ili—ýemirili—
ýemreli
(eýmir sözi barada degişli makalada gürrüň bereris).
Şu awtor özüniň “Türkmenleriň şejeresi” diýen işinde ýemrelileri 
Durunda ýaşaýan içki salyrlaryň arasyndan çykan il edip görkezýär. 
Ol şeýle ýazýar: “Ýemir ili (ýemreli) halkynyň asly mundak turur 
kim Maňgyşlakda içki salurdan bir kişi bir içki salurny öltürüp gaçyp, 
Durunda olturgan salur iliniň içine gelip turur taky anlardan bir gyz alyp, 
anda watan kylyp, olturup turur. Barça ýemirili halky ol kişiniň oglanlary 
tyryrlar”.
Diýmek, ýemreliler taýpa hökmünde Ahalda dörän ildir.
ERKI
Ýomut we saryk taýpalarynda 
erki
diýen tireler bar. Ýolöten 
raýonyndaky 
Erkisadyk
obasyna-da şu tiräniň ady geçipdir (erki-
sytdyh—erkisadyk).
Käbir alymlar grek taryhçysy Gerodotyň işlerinde duş gelýän 
ýirki
diýen etnonimiň aslynda türk sözüniň bir görnüşidigini ýazýarlar. 
Gadymy türklerde