Baxt va shodlik kuychisi

Har _________da shu bo‘lar takror,
Har ________ ham shunday o‘tadi,
Qancha tirishsam ham u ______
________ meni aldab ketadi.
Mayli deyman va qilmayman g‘ash,
Xayolimni ______ga o‘rayman;
______ bahorga chiqqanda yakkash,
__________ bormi deya so‘rayman.
“O‘rik gullaganda” she’ridan

“ANOGRAMMA” MASHQI

Bunda o`quvchiga berilayotgan so`zlar faqat biror hodisa, mavzu asosida yoki boshqa biror jihatlari bilan umumiy xususiyatga ega bo`lib, ular ichida faqat bittasi “begona” bo`ladi. O`quvchi ana shu so`zni aniqlay olishi va javobini izohlay olishi kerak.

Anogrammaga misollar:

1. “Olov sochlar”, “Poyga”, “Ko‘klam”, “O‘lka”, “Baxt”, “Tong shabadasi”.

Javob: “Tong shabadasi”, chunki bu hikoyalar to‘plami.

2. Pushkin, Tolstoy, Mayakovskiy, Lorka, Bayron, Lermontov, Gorkiy, Ostrovskiy.

Javob: Lorka, chunki Hamid Olimjon Lorka she’rlarini tarjima qilmagan.

3. Oygul, Baxtiyor, Bunyod, Darxon, Tarlon.

Javob: Bunyod, chunki bu obraz ‘Oygul bilan Baxtiyor” dostonida yo‘q.

4. Ballada, doston, she’r, hikoya, g‘azal, ruboiy.

Javob: ruboiy, Hamid Olimjon ruboiy yozmagan.

“ZINAMA-ZINA” TEXNOLOGIYASI

Texnologiyaning tavsifi: Ushbu mashg`ulot o`quvchilarni o`tilgan yoki o`tilishi kerak bo`lgan mavzu bo`yicha yakka va kichik jamoa bo`lib fikrlash hamda xotirlash, o`zlashtirilgna bilimlarni yodga tushirib, to`plangan fikrlarni umumlashtira olish va ularni yozma, rasm, chizma ko`rinishida ifodalay olishga o`rgatadi. Bu texnologiya o`quvchilar bilan bir guruh ichida yakka holda yoki guruhlarga ajratilgan holda yozma ravishda o`tkaziladi va taqdimot qilinadi.
Texnologiyaning maqsadi: O`quvchilarni erkin, mustaqil va mantiqiy fikrlashga, jamoa bo`lib ishlashga, izlanishga, fikrlarni jamlab ulardan nazariy va amaliy tushuncha hosil qilishga, jamoaga o`z fikri bilan ta'sir eta olishga, uni ma'qullashga, shuningdek, mavzuning tayanch tushunchalariga izoh berishda egallagan bilimlarini qo`llay olishga o`rgatish.