Baslawish klaslarda ana tilin oqitiw metodikasi paninin predmeti ham waziypalari

Ana tilin oqıtıw metodikası paniniń metodologiyalıq hȧm ilimiy tiykarları

Ana tilin oqıtıw metodikasınıń metodologiyalıq toykarları barlıqtı biliw teoriyası bolıp tabıladı. Bul pȧnniń bas wazıypası oqıwshılardıń tili sózlik baylıġın tolıq ózlestirip alıwın tȧmiynleydi. Bizge belgili jȧmiyette til adamlar arasında qarim-qatnas quralı esaplanadı. Tildiń qarım-qatnas quralı sıpatında ȧhmiyetli úzliksiz artıp baradı. Til barlıqtı aqıl menen logikalıq biliw quralı. Til birlikleri jȧrdeminde ġana biliw procesinde ulıwmalastırıw túsinikli sheshiw hȧm juwmaq penen baylanıstırıwdı ȧmelge asıradı

Til hȧm sóylew oylaw menen tıġız baylanıslı. Tildi hȧm sóylewdi rawajlandırıw menen oqıwshınıń pikirlew qȧbilyeti de artıp beredi. Mekteptiń wazıypası tilde adamlar arasındaġı múnasebetlerdi rawajlanġan quralı wazıypasına aylandırıw bolıp esaplanadı.Baslawish klaslarda ana tilin oqitiw, orta mekteplerge qaraǵanda bir qansha ózgesheliklerge iye. Sebebi baslawish klaslarda til haqqinda baslawish bilim aliw menen birge, ol ústinde kónligip baradi. Bilim beriw ámeliy xarakterge iye boladi. Til boyinsha  dáslepki baslanǵish bilim, kónligiw beriliwine baylanisli jumis ta  «Baslawish bilim beriw metodikasi» dep ataladi. Solay da, basqa jeke pánlerdiń metodikasinda-aq baslawish klaslarda ana tilin oqitiw metodikasi da ilimiy metodologiyaǵa súyene otirip, ana tilin oqitiwdiń metodlari menen usillarin, sol pán boyinsha nátiyjeli tálim-tárbiya, kónlikpe beriw waziypasin sheship beriwdi óz aldina maqset etip qoyadi. Soniń menen birge student, muǵallimlerdiń pedagogikaliq  (metodikaliq) kóz-qarasin, oniń pedagogikaliq  (metodikaliq) isenimin qáliplestiredi hám óz qánigeligine súyispenshiligin keltirip shiǵaradi. Qáliplesken metod, usil, aldinǵi metodikaliq tájiriybeler menen tanistiriw arqali  olardi óz islerinde nátiyjeli qollanip bariwdiń jollarin kórsetedi.

   Baslawish klasta ana tilin oqitiw metodikasi:   

a) til tuwrali ilimiy tálimatqa,  

b) pedagogika  menen psixologiyaniń tálim-tárbiya beriw sistemasindaǵi sinalǵan teoriyasi menen praktikasina,  

v) klassik pedagoglar menen, házirgi zaman pedagoglariniń ilimiy miynetlerine,

 g) shinliqti tanip-biliwdiń teoriyasina súyene otirip is alip baradi.

Baslawısh klass ana tilin oqıtıw metodikasınıń tiykarǵı bólimleri Baslawish klasta ana tilin oqitiw metodikasi tiykarinan tort bólimnen turadi: 1. Sawat ashiwdiń metodikasi  2. Oqiw metodikasi  3.Grammatika hám orfografiyani  oqitiwdin metodikasi 4.Oqiwshilardiń sóylewin rawajlandiriwdiń metodikasi.         

             Ana tilin oqıtıw metodikasınıń basqa predmetler menen baylanısı

     Sawat ashiwdiń metodikasi: jaslardi oqiy aliw hám jaziw, sóylewin ósiriw, sol arqali olardiń sana-sezimin rawajlandirip bariwdiń metodlari menen usillariniń sistemasi boyinsha nátiyjeli tálim-tárbiya beriwdiń jollarin belgileydi hám ol boyinsha islenip atirǵan oqiw-oqitiw islerindegi aldińǵi tájiriybelerdi juwmaqlay kelip, oniń qollaniw jollarina siltew berip otiradi.