Барча ҳуқуқлар ҳимояланган. Ушбу китобнинг ҳеч бир қисмидан муаллиф

---

---

---

---

УЎК 366.636:82-312.6
КБК 76г
А45
Барча ҳуқуқлар ҳимояланган. Ушбу китобнинг ҳеч бир қисмидан муаллиф-
лик ҳуқуқлари эгасининг ёзма рухсатисиз ҳеч қандай шакл ҳамда усулда, 
жумладан, Интернет ва корпоратив тармоқларга жойлаш орқали тижо-
рат мақсадида фойдаланиш мумкин эмас.
© К. И. Алламжонов, 2021
© «Novda Edutainment» МЧЖ, 2021
ISBN 978-9943-6380-9-9

---

Комил Алламжонов
Алламжонов 
айбдор

---

Бу китоб нега керак?
Китоб ёзишдан мақсад учта бўлиши мумкин. Бундан ик-
киси менга тааллуқли эмас. 
Биринчиси — пул ишлаш. Менда бундай зарурат йўқ. 
Иккинчиси — қанчалик зўр эканимни бутун дунёга на-
мойиш этиш. Лекин ўзимизда ҳам, чет элда ҳам кўпчи-
лик мени танийди, боримча билади. Шундай экан, ҳеч 
кимни алдай олмайман. 
Ва ниҳоят, учинчи сабаб — ўзим истаган инсонларга — 
ўн бешдан ўттиз ёшгача бўлган, атроф-оламга қараб 
туриб: «Бу ёғига нима қилсам экан? Кун сайин ўзгариб 
бораётган жамиятда қандай яшаб кетаман? Орқамда 
туриб берадиган, қўллайдиган одамим бўлмаса ҳам 
юзага чиқа олармикинман, кимга керакман ўзи? Орзу-
ларим ушалармикин?» деб ўйланаётган ёшларга муҳим
фикрларни етказиш.
Сизга ўзим ҳақимда, қандай қилиб оёққа турганим, ҳо-
зирги даражага етишимга нималар туртки бўлга-
ни ҳақида гапириб бермоқчиман. Ҳеч нарсани назардан
қочирмасликка ҳаракат қиламан.
6 / СЎЗБОШИ
Сузбоши

---

 Бу китобни ёзишга киришгунча ўзимни жуда омад-
ли деб ҳисоблардим. Бутун умр омад кулиб боққандек 
туюларди. Мана ҳозир ҳам, шинамгина уйимда, оилам 
даврасида ўтириб ёзяпман. Муваффақиятли бизне-
сим, қизиқарли лойиҳаларим бор. Пешонанинг ярқи-
рагани шу эмасми?!
Лекин бошимдан ўтган воқеаларни бирма-бир 
эслаб, омадим чопган пайтдан кўра, ишим юришма-
ган вақтлар кўпроқ бўлганини тушундим. Битта му-
ваффақиятга эришиш учун шунчалик кўп муаммога 
дуч келган эканманки, буни юз фоиз омад деб ҳам бўл-
майди. 
Биласизми, онам — доя-ҳамшира. Дояларга алоҳи-
да имтиёзлар берилмаган. Биттагина кафолатланган 
қулайлик — фарзандларини ўзи ишлайдиган туғруқ-
хонада, ишончли шифокорлар қўлида, ҳамкасб дўст-
лари орасида дунёга келтириш. Хуллас, мен туғила-
диган пайтим шуям ўхшамаган, онамнинг ишхонаси 
санитария-дезинфекция ишларига — «мойка»га ёпи-
либ қолган.