Баѐнномаси билан маъқулланган ва нашрга тавсия этилган

 
Балоғатга етиш – балоғат, расида (раста) бўлиш, бўйига етиш – 
организмнинг бир қанча анатомик ва физиологик ўзгаришлар натижасида 
биологик жиҳатдан секин-аста вояга етиши ҳамда жинсий жиҳатдан етилиб, 
кўпайигина, яъни наслни давом эттиришга лаѐқатли бўлиб қолиши. Қизлар 
ўғил болаларга нисбатан эртароқ балоғатга етади. Қизларда бу давр аксари 
12-14 ѐшдан 16-18 ѐшгача, ўғил болаларда 13-15 ѐшдан 16-20 ѐшгача давом 
этади.
Баркамол шахс – камолга етган, бекаму кўст, тўла-тўкис инсон, ақлан 
ва аҳлоқан пок, жисмонан соғлом, нафосатли, жамиятда ўзлигини таниган, 
мустақил фикрлайдиган, эркин, ижодкор, ташаббускор, ишбилармон , 
фидоий шахс. 
“Биламан. Билишни хоҳлайман. Билиб олдим” методи – таҳсил 
олувчиларга муайян мавзулар бўйича билимлари даражасини баҳолай олиш 
имконини беришга қаратилган интерфаол метод. 
Билим –ўқувчи ва тўгарак аъзоларнинг табиат, жамият, фан-техника 
ютуқлари ҳақида ҳосил қилган маълумотлари. Ўқувчи ва тўгарак аъзоларга 
тақдим этиладиган назарий маълумот. 
Билим, кўникма ва малакаларни мустаҳкамлаш – ўқитувчининг 
ўқув материалларини тақдим этиш жараѐнида мустаҳкамлик принципини 
таъминлашга қаратилган махсус ишлари. 
Бола ҳуқуқи – Бирлашган Миллатлар Ташкилотининг Бола ҳуқуқлари 
Конвенцияси томонидан тасдиқланган умумий, меъѐрий қонун-қоидалар 
мавжуд. 
Болалар адабий ижодкорлиги – болаларнинг техник сўз санъати 
ѐрдамида ўз туйғулари, фикрлари, борлиқни техник-образли идрок этиш ва 
уни ифодалаш имкониятлари. 
Болалар жамоаси – муайян умумий мақсади ва фаолият турига кўра 
бирлашган болалар гуруҳи. 
Болалар танловлари – фан, техника, адабиѐт, санъат каби соҳалар 
бўйича болаларнинг ўзаро мусобақалашиши. 
Болалар театри -  болалар томонидан ижро этиладиган спектакллар. 
Болалар фольклори – оғзаки ижод намуналари. Одатда, болалар ѐки 
улар учун катталар томонидан яратилади. Фольклор жанрининг иаркибий 
қисми.