Банкларда молиявий ҳисоб

27.Ўзбекистон Республикасида очиладиган банк ҳисобварақлари турлари (банк ҳисобварағи, талаб қилиб олингунча депозит ҳисобварақлари, ссуда ҳисобварақлари).
Bank hisobvaragʻi – bank hisobvaragʻi shartnomasini tuzish orqali bank mijoz (hisobvaraq egasi) hisobvaragʻiga kelib tushgan pul mablagʻlarini qabul qilish va kiritib qoʻyish, mijozning hisobvaragʻidagi tegishli mablagʻlarni oʻtkazish va berish hamda hisobvaraq boʻyicha boshqa operatsiyalarni amalga oshirish toʻgʻrisidagi topshiriqlarni bajarish vazifasini oʻz zimmasiga olishi natijasida bank va mijoz oʻrtasida vujudga keladigan munosabatlarni amalga oshirish vositasi. Mijozlar banklarda quyidagi turdagi bank hisobvaraqlarini ochishlari mumkin:
a) talab qilib olinguncha depozit hisobvaraqlari;
b) jamgʻarma depozit hisobvaraqlari;
d) muddatli depozit hisobvaraqlari;
e) ssuda hisobvaraqlari;
f) boshqa depozit hisobvaraqlari
28.Талаб қилиб олингунча сақланадиган депозитлар ва бошқа банк ҳисобварақларини очиш тартиби (муддатсиз, миллий валюта, банк ҳисобварағи шартномаси, 20200, гувоҳнома нусхаси).
Talab qilib olinguncha depozit hisobvaragʻi – mijozlarning birinchi talabi bilanoq beriladigan yoki oʻtkazib beriladigan mablagʻlarning hisobi yuritiladigan hisobvaraq.Milliy valutada talab qilib olinguncha, jamgʻarma, muddatli va boshqa depozit hisobvaraqlarini ochish tartibi. Tadbirkorlik faoliyati subyektlari boʻlgan rezident yuridik shaxslar, yakka tartibdagi tadbirkorlar hamda dehqon xoʻjaliklari tomonidan milliy valutada talab qilib olinguncha depozit hisobvaraqlari ochish uchun bankka quyidagi hujjatlar taqdim qilinadi:
a) 2-ilovadagi hisobvaraq ochish toʻgʻrisida ariza;
b) imzolar namunalari va muhr izi qoʻyilgan ikki dona varaqcha (3-ilova);
d) mijoz nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjati. Shaxsini tasdiqlovchi hujjatning asli koʻrsatilgandan soʻng, bank tomonidan undan nusxa olinadi. Tadbirkorlik faoliyati subyekti boʻlmagan rezident yuridik shaxslar hamda Budjetdan mablagʻ oluvchilar tomonidan milliy valutada talab qilib olinguncha depozit hisobvaraqlari ochish uchun bankka quyidagi hujjatlar taqdim qilinadi:
a) hisobvaraq ochish toʻgʻrisida ariza (2-ilova);
b) imzolar namunalari va muhr izi qoʻyilgan ikki dona varaqcha (3-ilova);
d)tadbirkorlik faoliyati subyekti boʻlmagan rezident yuridik shaxslar tomonidan taʼsis hujjatlari hamda ularga kiritilgan oʻzgartirish va qoʻshimchalarning notarial tasdiqlangan nusxalari, shuningdek, yuridik shaxs nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjatdan nusxa;
e) davlat soliq xizmati organlarida hisobga qoʻyilganligini tasdiqlovchi maʼlumotnoma
Norezident yuridik shaxslar va norezidentlarning Oʻzbekiston Respublikasida qonunchilik bilan belgilangan tartibda faoliyat yuritayotgan doimiy muassasalari milliy valutada talab qilib olinguncha depozit hisobvaraqlari ochish uchun bankka quyidagi hujjatlarni taqdim qiladilar:
a) hisobvaraq ochish toʻgʻrisida ariza (2-ilova);
b) agar qonun hujjatlarida boshqacha tartib nazarda tutilgan boʻlmasa, davlat soliq xizmati organlari tomonidan soliq toʻlovchining identifikatsiya raqami berilganligi toʻgʻrisidagi guvohnomaning nusxasi;
d) imzolar namunalari va muhr izi qoʻyilgan ikki dona varaqcha (4-ilova);
e) norezident yuridik shaxs nomidan pul-hisob-kitob hujjatlarini imzolash vakolatiga ega shaxsning shaxsini tasdiqlovchi hujjatdan nusxa olinadi