Банкларда молиявий ҳисоб

73.Асосий воситалар, номоддий активлар ва КБТЭБни инвентаризация қилиш ҳамда унинг натижаларини бухгалтерия ҳисобида акс эттириш тартиби (камомад, даромадлар, моддий бойликлар, зарар). Kam baholi va tez eskiruvchi buyumlarning kamomadi, shuningdek, aybdor shaxs aybi bilan yaroqsiz holga kelgan (aybdor shaxs aniqlanganda) kam baholi va tez eskiruvchi buyumlarning qiymati inventarizatsiya komissiyasining boshligʻi va aʼzolari, moddiy javobgar shaxs (ombor mudiri) tomonidan imzolangan akt bilan rasmiylashtiriladi va moddiy-javobgar shaxslardan belgilangan tartibda undirib olinadi: Debet: 19908-“Bank xodimlari bilan boʻladigan hisob-kitoblarda undirib olinishi lozim boʻlgan mablagʻlar”; Kredit: 19921-“Ombordagi kam baholi va tez eskiruvchi buyumlar hamda boshqa qimmatliklar” hisobvaragʻi. Aybdor xodimlarning ish haqidan undirib olinganda: 248 Debet: 29803-“Bank xodimlari bilan hisob-kitoblardagi toʻlanishi lozim boʻlgan mablagʻlar”; Kredit: 19908-“Bank xodimlari bilan boʻladigan hisob-kitoblarda undirib olinishi lozim boʻlgan mablagʻlar” hisobvaragʻi. Agar belgilangan tartibda bank xodimidan kassa orqali undirib olinganda: Debet: 10101-“Amaliyot (operatsion) kassadagi naqd pullar”; Kredit: 19908-“Bank xodimlari bilan boʻladigan hisob-kitoblarda undirib olinishi lozim boʻlgan mablagʻlar” hisobvaragʻi. Agar inventarizatsiya paytida omborda hisobda boʻlmagan buyumlar aniqlansa, ular inventarizatsiya komissiyasi tomonidan bozor narxida baholanib, belgi langan tartibda omborga kirim qilinadi. Bunda qoʻyidagi buxgalteriya oʻtkazmasi amalga oshiriladi: Debet: 19921-“Ombordagi kam baholi va tez eskiruvchi buyumlar hamda boshqa qimmatliklar”; Kredit: 45994-“Boshqa foizsiz daromadlar” hisobvaragʻi. Ombor mudiri (omborchi) ishdan boʻshashi, boshqa ishga oʻtkazilishi, mehnat taʼtiliga ketishi yoki bemorligi tufayli almashtirilgan taqdirda, bank rahbarining buyrugʻi bilan xodimlar tarkibidagi hayʼat tomonidan topshiruvchi va qabul qiluvchi xodimlar ishtirokida omborda toʻliq inventarizatsiya oʻtkaziladi hamda majburiy ravishda qabul qilish-topshirish dalolatnomasi tuziladi.