Bankda axborot tizimlari haqida tushuncha

Biznesni rivojlantirish jarayonida qo‘llaniladigan axborot kompleksi va texnologiyalari.

Yangi innovatsiyalar asosida tashkil etilgan korxonalarda tizimni qurishda etarli infratuzilish va uslubiyotning mavjudligi MRP II/ ERP turidagi boshqaruv avtomatlashtirilgan axborot tizimlarini joriy etishda yuqori darajadagi samaradorlikka erishishning asosiy omili bo‘lib xizmat qiladi. Ba’zi baholashlarga ko‘ra, bunday tizimlarni joriy etilishi zahirada ushlab turish zaruriyatini 8-30% qisqarishiga, ishlab chiqarish unumdorligini 8-27% o‘sishiga, muddatida bajarilgan buyurtmalar sonini 7-20% o‘sishiga olib keladi. Axborot tizimlarini rivojlantirilishi biznesni takomillashtirish talablarida ham o‘z aksini topadi. Aniq biznes-jarayondagi boshqaruv sifatini axborot jarayonlari, hujjat aylanishlar va boshqaruv qarorlarini qabul qilishga tayyorgarlikni tezlashtirishga qo‘yiladigan talablarga mos holda oshirish zamonaviy axborot tizimlarini rivojlantirish yo‘lidagi asosiy talablardan biri hisoblanadi.

Xulosa qilib aytganda, boshqaruvni avtomatlashtirilgan axborot texnologiya va tizimlari biznes strategiyalarni ishlab chiqish, boshqaruvdagi o‘zgarishlar, xodim bilan maqsadli yo‘naltirilgan ishlarda bog‘lovchi bo‘g‘in hisoblanib, korxona strategiyalarini muvaffaqiyatli amalga oshirishda ahamiyatli o‘ringa ega bo‘ladi. Jahon amaliyotida to‘plangan tajriba va usullarga asoslangan holda biznesni boshqarishni ko‘plab quvvatlashga yo‘naltirilgan integrallashgan axborot tizimlarini rivojlantirish konsepsiyasini yaratish istiqbolli boshqaruvni avtomatlashtirilgan axborot texnologiya va tizimlarini yaratishning bosh mezoni hisoblanadi.