Bankda axborot tizimlari haqida tushuncha

Korxona resurslarini boshqarish (ERP-tizimlar). Hozirgi kunda kompaniya ichki va tashqi faoliyatini optimallashtirish va avtomatlashtirish uchun rejalashtirish, tayyorlash, ro‘yxatga olish va nazorat kabi jarayonlarni takomillashtirishga yo‘naltirilgan ERP (Enterprise Resources Planning — Korxona resurslari boshqarish) deb nomlanuvchi tizimlar keng joriy etib borilmoqda.

“ERP-tizim” tizim atamasi APICS (American Production and Inventory Control Society) mos holda ikki xil talqin bilan qo‘llanilishi mumkin.

Birinchidan (keng ma’noda), bu – savdo, ishlab chiqarish va xaridlar, ishlab chiqarish sohasida mijoz buyurtmalari bajarishda ro‘yxatga olish, xizmat ko‘rsatishni amalga oshirish uchun zarur bo‘lgan korxona barcha resurslarini samarali rejalashtirish va boshqarish uslubiyotidir.

Ikkinchidan, savdo, ishlab chiqarish va xaridlar, mijoz buyurtmalarini bajarilish jarayonlarini ro‘yxatga olishni amalga oshirish uchun zarur bo‘lgan korxona barcha resurslarini samarali rejalashtirish va identifikatsiya qilish axborot tizimidir.

ERP tizimda asosiy atama Enterprise – Korxona, shundan so‘ng – resurslarni rejalashtirish keladi. ERP tizimlarni qo‘llashdan asosiy maqsad kompaniyaning barcha funksiya va bo‘linmalarini alohida bo‘limlarning xususiy zaruriyatlariga xizmat qiluvchi yagona kompyuter tizimiga birlashtirishdir.

ERP-tizimlar – bu tadbirkorlik operatsiyalariga ishlov berish va majmuaviy hamda tezkor (aniq vaqt lahzasiga) rejalashtirish, ishlab chiqarish, mijozlarga xizmat ko‘rsatishda hamkorlik qilish uchun yaratilgan kompyuter tizimidir. Kompaniya ERP tizimlarida mijozga “tashqi olam elementi” sifatida qaraladi va ahamiyatli ta’sir kuchiga ega bo‘lmaydi. Boshqacha aytganda, ERP –tizimlar ichki biznes-jarayonlarni optimallashtirish hisobiga raqobat ustuligiga erishishga yo‘naltiriladi

3.