Банк маркетинг стратегиясининг назарий асослари

Бозорнинг янги сегментларини эгаллаш сиёсати. 
Ушбу 
сиёсатнинг бош мақсади
илгари хизмат кўрсатилган 
минтақавий ёки тармоқ сигментларини янгилаш ёки йўқ қилиш йўли билан 
хизмат кўрсатилаётган бозор структурасини ўзгартириш жараёнидаги 
стратегик устувор йўналишларни аниқлаб олишдир. 
Изоҳ: бозор сегменти банк хизматлари бозорининг маълум 
хусусиятларга кўра ажратиб олинган (умумлаштирилган) қисмидир. Янги 
сегмент сифатида банк филиали очилган минтақа ёки илгари хизмат 
кўрсатилмаган тармоққа алоқадор мижозлар гуруҳи чиқиши мумкин. У ёки 
бу сегментни йўқ қилиниши ўхшаш тарзда амалга оширилади. 
Ушбу сиёсатнинг муваффақиятли амалга оширилиши қуйидаги 
масалаларнинг ечилишига олиб келади: 
- фаолиятнинг тижорат йўналиши бўйича – хизмат кўрсатилаётган 
бозор структурасининг банк учун манфаатли бўлишини таъминлаш. 
- молиявий йўналиш бўйича – бозорнинг янги сегментларини эгаллаш 
орқали сотиш ҳажмини ошириш ва даромаднинг ўсиб боришига эришиш. 
- банк рискларини бошқариш йўналишида – аниқ сегментларга хизмат 
кўрсатиш билан боғлиқ тижорат рискларини минималлаштириш. 
Изоҳ: биринчи навбатда, банк жорий конъюктураси ёмонлашган 
тармоқ ёки минтақадан ўз активларини тезкорлик билан олиб чиқишга 

---

улгармаганлиги оқибатида, режалаштирилган даромаднинг олинмаслиги 
хавфини ҳисобга олиш зарур. 
Банкнинг ушбу сиёсатига қўйилган методологик талаблар: 
- замонавий молия бозорининг маълум сегментлари конъюктураси юз 
берадиган ўзгаришларини ўзида акс эттиридиган юқори даражадаги 
қайишқоқлик; 
- банк хизматларига бўлган талаб нўқтаи – назаридан аниқ минтақа ёки 
тармоқнинг индивидуал хусусиятларини эътиборга олиш; 
- кўриб чиқилаётган банк сиёсатини ўзгартириш тўғрисидаги қарорлар 
қабул қилиши пайтида маълум минтақа ёки тармоқда банк хизматларига 
бўлган талабнинг нафақат жорий, балки перспектив ҳолатини ҳисобга олиш; 
- мазкур сиёсатнинг стратегик маркетингнинг ўзга сиёсатлари билан 
(айниқса ассортимент ва баҳо) алоқадорлигини таъминлаш.