Банк маркетинг стратегиясининг назарий асослари

 
3.1. Банк маркетингдаги рақобат сиёсатини амалга ошириш 
стратегик вариантлари. 
Маркетингдаги рақобат сиёсати банк фаолиятининг тижорат йўналиши 
бўйича инновацион ривожланиш стратегиянинг бир қисми сифатида чиқиб, 
банк ва унинг рақобатчилари ўртасидаги муносабатларни ташкил қилишга 
принципиал ёндашувларини белгилаб беради. 
Банк рақобати – бу молиявий хизматлар бозорининг тегишли 
сегментларида оптимал шароитнинг таъминланиши юзасидан кредит 
ташкилотлари ўртасидаги тўхтовсиз кураш жараёнидир. 
Банк бозорларидаги рақобатчиларнинг асосий категориялари: 
- йирик банклар; 
- кичик ва ўрта банклар; 
- нобанк молия – кредит институтлари (кредит уюшмалари, 
микрокредит ташкилотлари, ломбардлар, инвестицион фондлар, суғурта 
компаниялари ва х.к.) 
1 – вариант. «Агрессив рақобат сиёсати». 
Ушбу вариантда банк инновацион ривожланишининг амалга 
ошириш мумкин бўлган қуйидаги тамойилларни инобатга олиш керак,
яъни инновацион ривожланиш стратегиясидан келиб чиқади ва бозорнинг 
танланган сигментидан рақобатчиларни фаол тарзда сиқиб чиқаришни кўзда 
тутади. 

---

Ушбу вариантни афзалликлари қуйидагилар:
- муваффақиятли амалга оширилиши банкнинг бозор позицияси ҳамда 
молиявий натижаларининг тезкорлик билан яхшиланишига олиб келади; 
- ушбу сиёсатнинг муваффақиятли амалга оширилишининг муҳим 
таркибий қисми бўлган банкнинг ташкилий – бошқарув маданияти умумий 
даражасини кўтариш имкониятини беради. 
Ушбу вариантни камчиликлари қуйидагилар: 
- банкнинг етарли рақобат потенциалини яратиш учун анча катта 
миқдордаги дастлабки харажатлар қилинишининг зарурлиги; 
- рақобатчилар томонидан адекват «жавоб берилиши» мумкинлиги 
жумладан, умумий бўлган «агрессорга» қарши курашиш учун барча 
банкларнинг бирлашиши шаклида.