Bank ishi va audit

O’ZBEKISTON RESPUBLIKASI OLIY VA O’RTA MAXSUS TA’LIM VAZIRLIGI

TOSHKENT MOLIYA INSTITUTI


BANK ISHI FAKULTETI “BANK ISHI VA AUDIT” YO’NALISHI BIA82-GURUH TALABASI RAFIQOVA GULSHODANING “BANK HUQUQI” FANIDAN BAJARGAN ORALIQ NAZORAT ISHI.

17-variant.
Bankka oid qoidabuzarliklar qanday ko’rib chiqiladi?
Barchamizga ma’lum tijorat banklari faoliyati O’zbekiston Respublikasi Markaziy banki tomonidan tartibga solinadi hamda nazorat qilinadi. Shu bilan birga banklarning faoliyatini tartibga solish maqsadida 2019 yil 5 noyabrda O’RQ-580 sonli “Banklar va bank faoliyati to’g’risida”gi qonun (yangi tahrirda) qabul qilingan. Bugungi kunga qadar banklar ushbu qonun asosida faoliyat yuritib kelmoqda.
“Banklar va bank faoliyati to’g’risida”gi qonunning 7-bob, 53, 54, 55, 56, 57, 58, 59 moddalarida “Banklar va bank faoliyati to’g’risidagi qonun hujjatlarini buzganlik uchun Markaziy bank tomonidan qo’llaniladigan choralar hamda sanksiyalar” belgilab qo’yilgan.
53-modda. Choralarning va sanksiyalarning qo‘llanilishi.
Markaziy bank ushbu Qonunning 54, 55 va 56-moddalarida ko‘rsatilgan qoidabuzarliklar uchun javobgar bo‘lgan bankka, uning kuzatuv kengashi va boshqaruvi a’zolariga, shuningdek bankning muhim ahamiyatga ega xodimlariga nisbatan choralar va sanksiyalar qo‘llashga haqli.
Qoidabuzarliklar qo‘pol, jiddiy va juz’iy qoidabuzarliklarga bo‘linadi.
Choralar va sanksiyalarni qo‘llash tartibi Markaziy bank tomonidan belgilanadi.
Choralar va sanksiyalar qo‘llanilganda Markaziy bank quyidagilarni hisobga oladi:

• 
  tavakkalchilikning darajasini, qoidabuzarliklarning xususiyatini, miqyosini va oqibatlarini;
  
• 
  qoidabuzarliklarning tizimliligini va davomiyligini;
  
• 
  yo‘l qo‘yilgan qoidabuzarliklarning moliyaviy holatga ta’sirini;
  
• 
  qo‘llaniladigan choralar va (yoki) sanksiyalar natijasida vaziyatni o‘zgartirish imkoniyatini;
  
• 
  aniqlangan qoidabuzarliklarning va (yoki) tavakkalchiliklarning yuzaga kelishiga olib kelgan sabablarni;
  
• 
  ilgari qo‘llanilgan choralar va sanksiyalarning samaradorligini (natijadorligini);
  
• 
  bank, bevosita va bilvosita aksiyador tomonidan, shu jumladan oxirgi benefitsiar mulkdor, kuzatuv kengashining va boshqaruvning a’zosi, bankning muhim ahamiyatga ega xodimi tomonidan qoidabuzarliklarni bartaraf etishga qaratilgan mustaqil choralar ko‘rilishini.