Банк активлари, уларнинг моҳияти ва таркиби

8 - жадвал
Тижорат банк бўйича рискка тортилган активларни ҳисоблаш

Кўрсаткичлар	риск 0%	риск 20%	риск 50%	риск 100%
Активлар
1. Нақд пуллар ва бошка касса ҳужжатлари	683502
2. М.Бнинг Ностро корсчетидан олиши лозим активлар	5928150
3. М.Бнинг мажбурий резервлар счетидан олиши лозим активлар	237544
4. Бошқа банклардан олинадиган активлар
5. Корсчет Ностро	1678797	1020766
6. Хазина векселлари	246
				300970
7. Қ имматбаҳо металлар			447943
8. Сотиб олинган векселлар
9. Бошқа банкларга берилган кредитлар		3990879
10. 1 синф таъминотга эга бўлган кредитлар				4611503
11. Таъкинланган кредитлар				39544
12. Суд жараёнидаги кредитлар				358490
13. Инвестициялар				2878040
14. Банк биноси ва аслаҳалар				2149420
15. Бошқа активлар
Жами активлар	8528239	40929745	447943	1033796
16. Берилган гаров ва кафолатлар
17. Аккредитивлар			207181	38515
18. Жами балансдан ташқари счетлар			207181	38515
19. Жами активлар	8528239	40929745	655124	10376482
20. Жами рискли активлар		8185949	327562	10376482
21. Жами рискни инобатга олгандаги активлар				18889993

Ҳозирги вақтда ривожланган мамлакатларнинг банк амалиётида активларнинг сифатини аниқлашнинг асосий мезони бўлиб рискка тортилган активларнинг капиталга нисбати майдонга чиқаётир ва шунга асосан банклар рейтинги белгиланади. Рейтинг беш типдаги баҳолар туркумига эга.

1 рейтинг (кучли).
Агар тортилган активларнинг акционер капиталига нисбати 5 фоиздан ошмаса, баъзи ҳолларда бу нисбат 5 фоизлик чегарадан озроқ ошса ҳам, агар банкнинг иқтисодий шароити бақувват бўлса ва бошқарув органлари ўзларининг муаммоли кредитлар билан ишлашда билимдонлигини кўрсатса, бу активни кучли активлар сифатида келтириш мумкин.
2 рейтинг (қониқарли).
Резервнинг ўртача тортилган миқдори жами капиталга нисбатан 15 % дан юқори бўлмаслиги лозим. Бу ҳолда ҳам ссудалар бўйича муаммолар бўлмаса, банкнинг кредит сиёсати талаб даражасида олиб борилса шу гуруҳга киритиш мумкин.
3 рейтинг (ўртача).
Тортилган активлар жами капиталнинг 30 фоизидан ошмаслиги керак.
4 рейтинг (муаммоли)
Тортилган активлар жами капиталнинг 50 фоизидан ошмаслиги керак.
5 рейтинг (қониқарсиз).
Тортилган активлар жами капиталнинг 50 фоизидан ошган ҳолда қўлланилади.
Даромад келтиришга қараб банк активлари: даромад келтирувчи ва даромад келтирмайдиган активларга бўлинади.
Даромад келтирувчи активларга қуйидагилар киради:
а) Барча берилган кредитлар (жумладан банклараро кредитлар)
б) инвестициялар (ўзиники)
в) хазина векселлари
г) давлат облигациялари
д) қимматли қоғозлар.
Даромад келтирмайдиган активларга қуйидагилар киради:
а) пул активлари гуруҳи
б) асосий воситалар
в) капитал ҳаражатлар
г) барча моддий активлар ва бошқа активлар
д) номоддий активлар киради.
2 гуруҳ активларига банк фаолиятида катта эътибор берилиши лозим. Чунки бу гуруҳда активларни сифатини пасайтирувчи активлар, муддати кечиктирилган, фоизсиз ссудалар, муддати ўтган ссудалар ва фоизлар тўланмаган ижара ва бошқалар бўлиши мумкин. Активларнинг мақсадга мувофиқ жойлашиши бўйича умумий кўрсаткич - даромад келтирувчи активларнинг умумий активлар суммасига нисбати орқали аниқланади. Тижорат банкларининг даромад келтирувчи асосий активлари - мижозларга берилган кредитлардир. Банкларнинг иккинчи даромад келтирувчи актив тури - давлатнинг қисқа муддатли облигациялари (ДҚМО) га жалб қилинган банклараро кредитлар ва инвестициялар кичик салмоқни ташкил қилади.
Муддати ўтган активларнинг салмоғи умумий активлар ҳажмидан 3 фоиздан ошмаслиги лозим.
Агар бу активлар миқдори 2 ва ундан ортиқ марта ўрнатилган нормадан кўп бўлса, банк фаолияти жуда муаммоли, унинг кредит сиёсати жуда заиф деб баҳоланади.