Balalarda sklet patalogiyasi

Ko`kirek quwislig`i skеlеti: Ko`kirek quwislig`i su`yekleri 12 jup qabirg`alar ha`m to`s so`yeginin` birigiwinen payda baladı. Ko`kirek kletkası eki tu`rli ko`riniske iye. 1- uzın ha`m ensiz. 2-qısqa ha`m ken`. Sandayaq, ko`kirek kletkası konus ta`rizli, tsilindr ta`rizli, ha`m jalpaq
bolıwı mu`mkin. Bir jasar balada ko`kirek kletkası konus formasında baladı. Al 12-13 jasteg`i balada onın` forması u`lken adamlardikindey baladı. Bul su`yekler bir-biri menen birigip ko`kirek quwislig`i payda boladi. qabirg`alardin` 12 tasi ham arqa ta`repinen ko`kirek omirtqalarig`a birigedi. Olardin` 7 jubi haqiqiy yamasa shin qabirga`lar dep atalip alding`I ta`repinen o`zinin` shemirshekleri menen to`s su`yeginin` qaptal ta`repine birikken ush jubi jalg`an qabirg`alar bolip, olar bir-biri menen birigip qabirg`alardin` 7 shi jubi shemirshekke birigedi. 11-12 shi qabirg`alar alding`i ta`repinen to`s su`yegine birikpey qarin bulshiq etleri
arasinda jaylasadi.
Olardin` su`yekleniwi embrionnin` 5-8 ha`ptesinen baslanip 20 jasqa barip toqtaydi. To`s su`yegi 3 bo`limnen: joqari daste, orta dene, to`mengi qilish ta`rizli o`simteden ibarat. Bul su`yeklar jas balalarda bo`lek bolip, 20-25 jasta olar bir-biri menen birigip pu`tin to`s su`yegiga aylanadi.
Ko`kirek kletkasının` jınısıy parqı 15 jastan baslanadı. Dem alg`anda ol balalarda ko`kirek kletkasındag`ı to`mengi qabirg`alar, qız balalarda bolsa joqarg`ı qabirg`alar ko`teriledi.. Ko`kirek kletkasının` aylanasındada jınısıy o`zgeshelikler seziledi, 3 jasten 10 jasqa shekem ko`kirek kletkasının` aylanası bir jılda 1-2 sm, jınısıy jetilisiw da`wirinde bolsa, 11 jasten baslap 2-5 sm ge artadı. Balanın` salmag`ının` artıwı menen ko`kirek kletkasının`
aylanasıda ken`eyedi. Onın` rawajlanıwı skelet bulshıqetlerinede baylanıslı. Suwda ju`ziw, qayıq aydaw jaqsı ta`sir etedi. Balanın` partada qa`te otırıwı, ko`kiregin partag`a tirep otırıwı ha`m t.b. na`tiyjesinde ko`kirek kletkası deformatsiyalanadı. Bunnan basqa ha`rqıylı patologiyalıq jag`daylar: raxit, o`kpe ha`m bronxlardın` kesellikleri ko`kirek kletkasının` rawajlanıwına unamsız ta`sir etedi.