Baktria press

84
ЎЗБЕКИСТОН РЕСПУБЛИКАСИДА ДАВЛАТ ХИЗМАТИНИ ИСЛОҲ ЭТИШНИНГ ҲУҚУҚИЙ АСОСЛАРИ
Аттестациянинг натижалари бўйича комиссиянинг қарорлари индивидуал баённомалар билан расмийлаштирилади 
ва улар давлат органи бўйича буйруқ чиқаришга асос бўлиб хизмат қилади. Шу билан бирга, аттестация хизматчининг 
меҳнат ҳуқуқига муҳим таъсир кўрсатишига қарамасдан Ўзбекистон Республикаси Меҳнат кодексида бу борада 
бирор-бир ҳолатлар белгиланмаган, шунингдек, “аттестация” иборасига таъриф ҳам берилмаган. Бундай ҳолат 
ходимларнинг ишбилармонлик ва шахсий сифатларини баҳолашда аттестацияни ҳуқуқий услуб сифатида қўллаётган 
давлат органларининг ҳуқуқни қўллашдаги амалиётига салбий таъсирини кўрсатади. Бу ерда шуни таъкидлаш жоизки, 
аттестация меҳнат ҳуқуқида кам тадқиқ этилган муаммолар қаторига киради. Шунинг учун, бизнинг фикримизча, 
мазкур ҳуқуқий муносабатга, аввало, Меҳнат кодексида, меҳнат ҳуқуқида комплекс баҳо берилиши муҳим аҳамият 
касб этади.
Юқоридагилардан келиб чиқиб ўтказилган таҳлил асосида қуйидаги таклиф ва хулосалар чиқарилди:
•
биринчидан, 
Республика даражасидаги тегишли норматив-ҳуқуқий актда давлат бошқарув органлари 
хизматчилари фаолиятини якуний баҳолашни ўтказиш шартини мустаҳкамлаш зарурати 
етилган бўлиб, бунда мазкур органлар маъмурияти зиммасига улар томонидан ишлаб чиқила-
диган низомларда ва бошқа актларда бу тадбирни амалга ошириш учун ташаббускорлик ва 
масъулиятни аниқ белгилаш мақсадга мувофиқ. Бунда, шунингдек, хизматчилар фаолиятини 
жорий баҳолаш шаклларини, органлар ва тузилмавий бўғинлар тўғрисидаги низомларда 
эса мазкур ишни мунтазам амалга ошириш бўйича раҳбарларнинг мажбуриятларини ҳам 
белгилаб қўйиш керак. Шу билан бирга ҳар қандай ротацияни ўтказишдан олдин ходимларнинг 
ишбилармонлигини аниқлаш лозим ва бунинг учун илмий асослантирилган баҳолаш услубини 
қўллаш мақсадга мувофиқ;