Бахтим шул ўзбекнинг Зулфиясиман!

Бахтим шул ўзбекнинг Зулфиясиман!

Эъзозлар, ардоқлар учун ташаккур,

Асли сиз офтобим, мен зиёсиман.
Тонгларингиз отсин дориломон ҳур,
Бахтим шул ўзбекнинг Зулфиясиман!
(З.Исроилова)

Ҳур Ўзбекистоннинг фарзанди эканлигимдан доимо ғурур ва фахр туйғуларини хис этганман. Юқорида келтирилган тўртлик эса мана неча йиллардан буён Ўзбекистон Республикаси биринчи Президенти томонидан таъсис этилган “Зулфия” номидаги давлат мукофоти лгна ва шу йўлда тиним билмай ижод қилаётган қизларнинг мадҳиясига айланипб қолган десам муболаға бўлмайди.

Куни кеча ушбу танловнинг шаҳар босқичида спорт, фан, адабиёт ва жамоатчилик йўналишларида юзлаб қизлар ўз тенгдошлари билан беллашдилар ва фикр алмашдилар. Шахсан мен, ушбу танловда иштирок этдим. Шаҳар босқичи жуда ажойиб ва кўтаринки руҳда ташкиллаштирилган эди. Бу эса барча иштирокчиларга куч, ғайрат бериб турар эди.
Мен, Асронова Ойдин ушбу танловнинг адабиёт йўналишида иштирок этдим ва ғолибликни қўлга киритдим. Ўша пайтдаги қувонч ҳиссини таърифлаб бериш мушкул. Айниқса, ота-онам ва устозларим менданда кўпроқ қувонишар эди. Уларни кўзидаги ишонч туйғуси мени янада кучлироқ бўлишга ундади. Мақсадим, вилоят босқичида ҳам иштирок этиб, Республика босқичида вилоятимиз шаънини ҳимоя қилиш!
Зулфия исроилова дарҳақиқат “Садоқат” тимсоли, Меҳрибон она, суйикли рафиқа ва мен каби ичтидорли қизлар учун устоз ҳамдир.

Зулфияга қиламан ҳавас,

Шеър ёзаман мен, тунлар бедор.
Холим сўраб келса шоира,
Шу сўзимни айтаман такрор.

Мен изингиз излаган қизман,

Мен қизингиз, Сиздан бир изман.
Хамид Олимжондан ёдгорим,
Мунисимсиз, азиз шоирам!
Андижон вилояти, Андижон шаҳар,
5-умумий ўрта таълим мактаби 10-Б синф ўқувчиси ҳамда “Зулфия” номидаги Республика танловининг шаҳар босқичи ғолибаси,
Асронова Ойдин.