Baholash ishi va investitsiyalar” kafedrasi “loyihaviy moliyalashtirish” fanidan ma’ruza matni

1-jadval
Loyihaviy moliyalashtirish turlari

Klassifikatsiyasi	Turlari
Ko‘lami bo‘yicha	Bank loyihaviy moliyalashtirish; Korporativ loyihaviy moliyalashtirish;
Resurs manbalari bo‘yicha	Sanoat korxonasini o‘zining pul mablag‘lari orqali; Bank kreditlari orqali; Investitsiyalar orqali; Qarz obligatsiyalari orqali; Firma kreditlari orqali; Lizing orqali.
Arxitekturasi bo‘yicha	Parallel moliyalashtirishli; Bosqichma – bosqich moliyalashtirish.
Regress bo‘yicha	Regress huquqisiz kreditlash; To‘liq regress huquqi bilan kreditlash; CHeklangan regress huquqi bilan kreditlash.

2. Ko‘lamiga ko‘ra investitsiyalarni loyihaviy moliyalashtirish (bank va korporativ shakllari). Mablag‘lar manbai va ularning harakat yo‘nalishlari bo‘yicha loyihaviy moliyalashtirishning tasniflanishi

Loyihaviy loyihalashtirishni ko‘lami bo‘yicha ham turlarga bo‘lish mumkin:

- bank loyihaviy moliyalashtirish;
- korporativ loyihaviy moliyatirish.
Loyihaviy moliyalashtirishning birinchi ko‘rinishida loyihani asosan banklar amalga oshiradilar. SHu bilan birga asosiy qarz beruvchilar bo‘lib banklar qolishadi. Ikkinchi ko‘rinishda esa, loyihani mavjud korporatsiyalar amalga oshiradi. Bunda etakchi o‘rinni banklar emas, balki korporatsiyalar egallagan bo‘lishadi.
Korporativ loyihaviy moliyalashtirish – investitsion loyihasining moliya manbasi kompaniyaning o‘z mablag‘lari hisobiga amalga oshiriladi, birinchi o‘rinda amortizatsiya fondlari va taqsimlanmagan daromad (foyda) hisoblanadi.
Bank loyihaviy moliyalashtirish – investitsion loyihasining moliya manbasi asosan yoki qisman bank kreditlari hisobiga amalga oshiriladi. Bank kreditlari aniq shartlar asosida beriladi.
Loyihaviy moliyalashtirishning hamma shakllarida qarzni qaytarish muddatlari loyiha bo‘yicha pul oqimi tushumlari bilan uzviy bog‘lanadi. Loyihaviy va korporativ moliyalashtirishning o‘ziga xos belgilari quyidagi rasmda keltirilgan.