|
KIRISH
O‘zbekiston Respublikasi Prezidenti Sh.M.Mirziyoyev tomonidan ishlab chiqilgan va mamlakatimizda amalga oshirilayotgan “2017-2021-yillarda O‘zbekiston Respublikasini rivojlantirishning beshta ustuvor yo‘nalishlari bo‘yicha Harakatlar strategiyasi”ning iqtisodiy rivojlanishga bag’ishlangan uchinchi ustuvor yo‘nalishda ta’kidlanganidek “Iqtisodiyotda davlat ishtirokini kamaytirish, xususiy mulkning huquqlarini himoya qilish va uning istiqbolli rolini yanada kuchaytirish, kichik biznes va xusuiy tadbirkorlik rivojlanishini rag‘batlantirishga qaratilgan institutsional va tarkibiy islohotlarni davom etish” hamda “xususiy mulkning huquq va kafolatlarini ishonchli himoya qilishni ta’minlash, barcha turdagi to‘sqinliklar va cheklanishlarni bartaraf etish, xususiy tadbirkorlik va kichik biznesni rivojlantirish yo‘lida to‘liq erkinlik berish, amaliyotda “Agar xalq boy bo‘lsa, davlat ham boy va kuchli bo‘ladi” degan prinsipni amalgi oshirish”1 ni ta’minlashi lozim.
Ko‘chmas mulk doim atrof muhitga kuchli ta‘sirini ko‘rsatadigan vosita bo‘lib qolaveradi. Boshqacha so‘z bilan aytganda ko‘chmas-mulk bozori rivojini past yoki baland darajadaligi bo‘lishi iqtisodiyotni istiqbolini belgilab beradi. Chunki, barcha iqtisodiy subyektlar, ya’ni davlat organlari, yuridik yoki jismoniy shaxslar ko‘chmas mulk turi bo‘lgan yerni qiymatiga to‘g‘ri va sifatli baho berilishiga ehtiyoj sezib, ular uchun sotish va sotib olish, ijara, garov, sug‘urta, merosxo‘rlik huquqining bajarilishi, sud hukmining ijro etilishi va boshqa bir qancha faoliyatlarni amalga oshirilishi uchun o‘z vaqtida obyektni sifatli va ishonchli baholash katta ahamiyat kasb etadi. Shu bilan birga, yer qiymatini baholash metodologiyasini asoslangan holda va sifatli qo‘llanilishi xususiy sektorga tegishli bo‘lgan kichik biznes va tadbirkorlik subyektlarining samarali biznes yuritishlarida, xususan, garovga qo‘yilgan yer maydoni qiymatini to‘g‘ri aniqlashda yoki soliqlarning to‘g‘ri hisoblanishida muhim ahamiyat kasb etadi hamda korxona menejerlariga to‘g‘ri qaror qabul qilishlariga ko‘maklashadi va pirovardida, iqtisodiy yuksalishga va aholining turmush sharoitining yaxshilanishiga imkoniyat yaratadi.
Prezidentimiz rahnamoligida respublikamizda baholash xizmatini izchil rivojlantirishga alohida e‘tibor qaratilmoqda. Soha me’yoriy-qonunchilik bazasining mustahkamlangani va zarur shart-sharoitlar yaratilgani bunda muhim omil bo‘layotir.
Mamlakatimizda baholash faoliyati iqtisodiyotning mustaqil sohasiga aylandi. O‘zbekiston Respublikasi “Baholash faoliyati to‘g‘risidagi” qonuniga asoslangan baholash faoliyatini davlat tomonidan tartibga solish tizimi shakllandi. Mazkur tizim yuridik shaxslarga litsenziyalar berish, jismoniy shaxslarga sertifikatlar taqdim etish, litsenziyaga oid talablar va shartlarga rioya etilishini nazorat qilish kabi vazifalarni o‘z ichiga oladi.
Kurs ishining maqsadi va vazifalari. Kurs ishining maqsadi ko‘chmas mulk turi bo‘lgan yerni qiymatini baholash mobaynida mulkiy munosabatlarni tartibga soluvchi huquqiy mexanizmning mazmun-mohiyati, xususiyatlari va jihatlarini mustaqil ravishda tahlil qilish va tizimlashtirish asosida konkret bilimlarga ega bo‘lish, muhim nazariy-amaliy xulosalar shakllantirish, shaxsiy fikr va qarashlarini asoslab berish qobilyatiga erishish.
Qo‘yilgan maqsadga muvofiq asosiy vazifalari bo‘lib quyidagilar hisoblanadi:
Yer-tabiiy resurslarining muhim turi va aholi yashash joylarining makoni sifatida o’rganish;
Yer qiymatini baholishning huquqiy mexanizmi o’rganish;
Yerni baholash amaliyotida axborot manbalarini shakllantirish;
Real obyekt misolida yer qiymatini baholash;
Kurs ishining obyekti va predmeti. Kurs ishining obyekti bo‘lib, ko‘chmas mulk turi bo‘lgan yer hisoblanadi. Kurs ishining predmetini ko‘chmas mulk turi bo‘lgan yerni baholash jarayonlarida yuzaga keladigan munosabatlar yig‘indisi tashkil etadi.
Kurs ishining tarkibiy tuzilishi: kirish, 4 asosiy reja, xulosa, foydalanilgan adabiyotlar ro’yxatidan tashkil topgan
Do'stlaringiz bilan baham: |
