Бадиий гимнастика бґйича кичик ёшдаги болалар билан машІулот олиб бориш методикаси

Копток билан бажариладиган машқ
Болалар копток билан мунтазам равишда турли ўйинлар ўйнайдилар, у болалардаги иштиёқни фаоллаштиришда ўзига хос аҳамиятга эга. Тўп билан бажариладиган машқлар метинликка ва бошқа юқорида санаб ўтилган барча салоҳиятларнинг шаклланишига олиб келади: эпчиллик, тезкорлик билан ҳаракатланиш, тезкор реакция билдириш, кўриш, илғаш қобилиятини ўстириш, аниқ мўлжал олишни таъминлайди. Бу вақтда тана мускулларига яхшигина оғирлик тушади, оёқ, қўл, кафтлар, шунингдек, болалар турли кўринишдаги ҳаракатларни, тезлик билан ҳаракатни бошқасига ўзгартиришни фаол тарзда амалга оширадилар.
5-6 ёшли болалар билан шуғулланаётганда 8-12 см.ли резина коптокдан фойдаланган маъқул. Тўп билан машқ бжараётган вақтда қоматни равон тутишга эътибор қаратиш керак, тўпнинг гавда ва бошга кўчишини бошқариш керак, ҳаракатчанлик кўламини аста-секин ошириб бориш лозим.
Тўп билан машқ бажаришни ўрганишда қуйидагиларни пухта эгаллаш талаб этилади: тўпни ушлаб олиш, узатиш, ташланиш, тутиш, коптокни уриш, юмалатиш ва айлантириш машқлари.


Арғамчида бажариладиган машқлар
Арғамчида бажариладиган машқлар чаққонлик, чидамлилик, тезкорликни ривожлантиради. Улар координациявий ва режимли ҳаракатлар бажаришда самарали ҳисобланади. Арғамчи машқлари билан шуғулланиш тана аъзоларининг тетиклигини, чидамлилигини таъминлайди. Арғамчи билан шуғулланишнинг ўзига хос жиҳати шундаки, у оёқ панжаларини шакллантиради. Шунинг учун ҳам арғамчидан фақатгина бадиий гимнастикада эмас, бошқа спорт турларида ҳам тез-тез фойдаланилади. Арғамчилар тутқичли, арқонли ёки капронли бўлиши мумкин. Арғамчининг узунлиги боланинг бўйига тенг бўлиши лозим. Агар у меъёрдан узун ёки калта бўлса, бу боланинг шаклланишига бироз салбий таъсир ўтказади. Арғамчи билан машқ қилаётганда мустақил равишда спорт формасини сақлашга ҳаракат қилиш керак (айлантириш ва чалиштириб айлантиришда). Арғамчи билан турли машқ бажараётганда, гавадани тўғри тутиш муҳим, шунда бармоқларга ортиқча юк тушмайди, бу тезликни оширишда ҳам қулай.