Bachadondan anomal qon ketishlar. Bachadon miomasi, endometrioz. Bachadon miomasi

Rentgen nurlari bilan davolash

Jarrohlik amaliyoti bilan davolash imkoni bo’lmaganda, ba’zan gi­perpolimenoreya bo’lgan kasallar rentgen nurlari bilan davolanadi. Hayzning birinchi yarmida 2-4 kun davomida 200-400 miqdorda yuboriladi, ammo miomalarni bachadon shilliq qavati ostiga rentgen kastratsiya qi­lish mumkin emas.

Bachadon miomasida homiladorlik va tug’ruq 0,5-3% hollarda uchraydi. L. N. Vasilevskaya (1977-1997) ma’lumotlariga qaraganda homiladorlik bachadon miomasi bilan davom etib, tug’ruq fiziologik ravishda tuga­sa, u albatta organizmdagi gipotalamus-gipofiz-tuxumdon-bachadon sis­temasidagi neyroendokrin o’zgarishlarning qayta tiklanishiga sabab bo’ladi. L. N. Vasilevskaya, I. O. Sidorovaning (1977) kuzatishlariga ko’ra, homiladorlik bachadon miomasi bilan kechganda bir qancha asoratlar yuz berib, ko’pincha homiladorlikning ilk va kechki gestozlari kuzatiladi­gan homila tashlash hodisalari yuz bergan va tug’ruqlar muddatidan ilga­ri sodir bo’lgan. Homila tashlash va tug’ruqning muddatdan ilgari sodir bo’lishiga estrogen gormonlarning organizmdagi sekretsiyasining buzi­lishi sabab bo’ladi. Тug’ruq dardlari nuqsonlari, yo’ldoshning vaqtidan ilgari ko’chishi, bachadonning yorilish xavfi va homilaning dimiqish alomatlari kuzatiladi. Yo’ldosh tushishi davrida va chilla davrlarida yo’ldoshning ayrim bo’lakchalari uzilib qolishi mumkin, gipo va atonik qon ketish alomatlari kuzatiladi va mioma tugunlarining tug’ilishi sodir bo’ladi, bunda mioma tugunchalarining nekrozi ro’y berishi mum­kin.

Ayollar maslahatxonasida miomasi bo’lgan homilador ayollar bo’lsa, ularda homiladorlikni davom ettirish mumkinligi aniqlanadi.

Quyidagi hollarda homiladorlik man etiladi:

1.   Тez o’suvchi o’smalarda.

2.   O’smaning hajmi 14 haftadan katta bo’lsa.

3.   Sarkomaga o’tish xavfi tug’ilsa.